BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاق كينوسى انا بەينەسىن قالاي كورسەتە الدى؟ (ۆيدەو)

استانا. 13 قاڭتار. baq.kz - ٴامينا ٴومىرزاقوۆا، بيكەن ريموۆا، جاننا قۋانىشەۆا سومداعان انا وبرازدارى بۇگىنگى قازاق قىزدارىنا – ۇلگى، كەلىندەرىنە – ونەگە. 

كەڭەستىك كەزەڭدە انا بەينەسىن بارلىق قىرىنان باتىل كورسەتە بىلگەن بىرنەشە فيلم جارىققا شىقتى. ال قازاق كينوسى انا بەينەسىن قالاي كورسەتە الدى؟

بۇل رەتتە «قازاق كينوسىنىڭ اناسى» اتانعان ٴامينا ٴومىرزاقوۆا سومداعان بارلىق رولدەرگە توقتالۋعا بولادى. ٴبىراق، ٴبىز ٴۇشىن قازاق كينوسىنداعى ەڭ العاشقى انا بەينەسى ول – سوعىس ۋاقىتىندا جارلارىن، ۇلدارىن ساعىنىشپەن كۇتكەن، كۇنى-تۇنى مايدان ٴۇشىن ايانباي ەڭبەك ەتكەن، ٴومىردىڭ بارلىق ىستىعى مەن سۋىعىنا توزگەن «انا تۋرالى اڭىز» فيلمىندەگى انا بەينەسى.

بۇل كينودا انا بەينەسى وتباسىنىڭ ۇيىتقىسى عانا ەمەس، وتاننىڭ سيمۆولى رەتىندە دە بەينەلەندى. ٴفيلمنىڭ سوڭىنا قاراي كەيىپكەر حات وقيتىن دارەجەگە دەيىن كوتەرىلەدى. ويتكەنى، بار ٴومىرى مايداننان ٴۇشبۇرىشتى حات كۇتۋمەن ٴوتىپ جاتقان ول وزدىگىنەن ساۋات اشىپ، اقىرى اۋىلدىڭ حات تاسۋشىسى بولادى.

1964 جىلى لەنينگرادتا وتكەن بۇكىلوداقتىق كينوفەستيۆالدە ٴامينا ٴومىرزاقوۆا وسى ٴرول ٴۇشىن «ەڭ ۇزدىك ايەل ٴرولى» جۇلدەسىن جەڭىپ الدى.

كوشپەندىلىكتەن وتىرىقشىلىققا كوشىپ، تاپتىق بولىنىستەن كەيىن ٴوز قۇقىعىن قورعاعان قازاق ايەلدەرىنىڭ دە بەينەسى كينودان تىس قالمادى. 1940 جىلى جارىققا شىققان «رايحان»، «دالا قىزى»، «بوتاگوز» فيلمدەرى سونىڭ ايعاعى. سونىمەن قاتار، «گاۋھارتاس»، «مەنىڭ اتىم – قوجا» فيلمدەرىندە دە انا بەينەسى كورىنىس تاپقان.

شاكەن ايمانوۆ رەجيسسەرلىك ەتكەن «تاقيالى پەرىشتەدەگى» تانا اپايدىڭ رولىنەن اتتاپ وتە المايمىز. ٴامينا ٴومىرزاقوۆانىڭ شەبەر سومداۋىنداعى تانا جەڭگەي وتە ٴساتتى شىققان بەينە دەپ ايتۋعا بولادى.

ٴامينا ٴومىرزاقوۆا، بيكەن ريموۆا، جاننا قۋانىشەۆا سومداعان انا وبرازدارى بۇگىنگى قازاق قىزدارىنا – ۇلگى، كەلىندەرىنە – ونەگە. 

 

ەركىن شاكىر ۇلى،

"قازاقستان" ۇلتتىق ارناسى،

"تاڭشولپان" اقپاراتتىق-سازدى

باعدارلاماسىنىڭ رەداكتورى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي