BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاق كينوسى: «ابايدىڭ ۇلى جۇمباعى» (ۆيدەو)

استانا. 27 مامىر. baq.kz - ادامزاتتىڭ اقىل-ويىنىڭ دامۋ تاريحى تۋرالى ٴسوز قوزعالعاندا، مىنا ٴبىز، قازاق ۇلتىنىڭ پەرزەنتتەرى، جات جۇرتتاردىڭ الدىنا دانالىقتىڭ ۇلگىسى رەتىندە نەگە ابايدى ماقتانىشپەن اتايمىز؟..
الەم تولىق تانىپ بولماعان، ولاردىڭ جۇرەگىنە جەتىپ، ساناسىنا سىڭبەگەن، ونىڭ ۇستىنە مۇلدەم وزگە ويلاۋ جۇيەسى مەن ٴومىر ٴسۇرۋ قۇبىلىسىنا يە تۇلعانى دۇنيەاۋيلىق دانالارمەن قاتار قويۋىمىزعا، ٴتىپتى كەي تۇستا وعان ەشكىمدى تەڭگەرمەۋىمىزگە قاقىمىز بار ما؟  

ار-ۇياتىمىزدى، ۇلتتىق نامىسىمىزدى، وي-پاراساتىمىزدى كەپىلدىككە بەرە وتىرىپ، اشىعىن ايتايىق: ەش الاڭسىز سەنىممەن "بار" دەپ مالىمدەي الامىز. ويتكەنى، اباي – قازاق حالقىنىڭ ار-وجدانى، ۇلتتىق ماقتانىشى جانە نامىسى. ول تەك قانا قازاق ەلىنىڭ تەگىن تەكتەگەندە عانا قاسيەتى ارتاتىن ۇلى تۇلعا ەمەس، قادىم زامانىنان بەرى كوشپەندىلەر مادەنيەتىنىڭ بارلىق بولمىسىن بويىنا سىڭىرگەن جيىنتىق قاسيەت. اباي قازاق ۇلتىنىڭ ۇلت بوپ ٴومىر سۇرگەندىگىنىڭ جانە ۇلت رەتىندە ٴومىر سۇرۋگە حۇقى بارلىعىنىڭ كەپىلى. سەبەبى، دۇنيەجۇزىلىك اۋقىمعا ساي قازاقتىڭ ۇلتتىق ساناسىن وياتقان جانە ونى قالىپتاستىرعان ادام – اباي. وزگە دە دارا تۇلعالار قازاق جەرىندە ٴومىر ٴسۇردى. الايدا سونىڭ بارلىعى تۇتاسا كەلىپ ابايدى تولىقتىرادى.
بۇل – شىندىق. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي