BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"قازاق حاندىعى" سەريالىنا كاستينگ جاريالاندى

 استانا. 3 ناۋرىز. baq.kz – بيىل قازاق حاندىعىنىڭ 550 جىلدىعى. وسى مەرەيتويعا بايلانىستى تاريحي-درامالىق تەلەسەيال كورەرمەنگە ۇسىنىلادى. باسىندا 20 سەريال بولادى دەپ جوسپارلانسا، كەيىننەن 10 سەريال بولىپ بەكىتىلدى. ال، 10 سەريالى جۇمىس رەجيسسەر رۇستەم ابدىراشەۆكە سەنىپ تاپسىرىلدى.

 «ش. ايمانوۆ اتىنداعى «قازاقفيلم» اق رۇستەم ابدىراشەۆتىڭ جۇمىس اتاۋى «قازاق حاندىعى» اتتى تاريحي-درامالىق تەلەۆيزيالىق سەريالدىڭ تۇسىرىلىمىنە قاتىسۋعا كاستينگ جاريالايدى. بۇل تۋرالى قازاقستان رەسپۋبليكاسىنىڭ مادەنيەت جانە سپورت مينيسترلىگى حابارلايدى.

كاستينگكە سىرتقى كەلبەتى ازيالىق تيپكە جاتاتىن، سپورتتىق دەنە ٴبىتىمى بار، بويى 170 سم كەم ەمەس، 17 جانە 45 جاس ارالىعىنداعى ەر ادامدار قاتىسا الادى.

سونىمەن قاتار سەريال تۇسىرىلىمىنە 17 مەن 60 جاس ارالىعىنداعى ەر جانە ايەل ادامدار قاجەت.

ۇمىتكەرلەردىڭ اكتەرلىك جۇمىس تاجىريبەسى بولعانى ابزال، سونداي-اق، كاستينگتىڭ مىندەتتى شارتى - قازاق ٴتىلىن مەڭگەرىپ، اتپەن سالت جۇرە بىلۋلەرى قاجەت.

ىرىكتەۋگە قاتىسام دەۋشىلەر ٴوز فوتوسۋرەتتەرى مەن ساۋالنامالارىن kaz.hanstvo@mail.ru ەلەكتروندىق پوشتاسىنا جىبەرە الادى.

فوتوسۋرەتتەرگە قويىلاتىن شارتتار: بەت-الپەتىنىڭ انفاس جانە پروفيلدە تۇسىرىلگەن ورتا جانە ٴىرى پلانداعى سۋرەتى، بويىنىڭ سۋرەتى.

ساۋالنامادا ٴاتى-جونى، تەگى، تۋىلعان جىلى، بويىنىڭ كولەمى، سالماعى، بايلانىس تەلەفوندارى كورسەتىلۋى ٴتيىس.

قۇجاتتاردى كەلەسى مەكەن-جاي بويىنشا جىبەرۋگە دە بولادى: الماتىق.، ٴال-فارابي كوش.، 176، «قازاقفيلم» كينوستۋدياسى، ٴ272-شى كاب.

«ستالينگە سىيلىق»، «قۇراق كورپە»، «ەلباسى جولى» (كينوەپوپەيا) فيلمدەرىنىڭ رەجيسسەرى رۇستەم ابدىراشەۆ قازاق حاندىعى تۋرالى ون سەريالى كوركەم ٴفيلمدى تۇسىرەدى.

بۇعان دەيىن مادەنيەت جانە سپورت ٴمينيسترى ارىستانبەك مۇحامەدي ۇلى فيلم العاشقى جوسپارلاعاننان ەكى ەسەگە، ياعني 10 سەرياعا دەيىن قىسقارعانىن، فيلم جانىبەك پەن كەرەي بيلىگى زامانىنان باستاپ كەنەسارى حانعا دەيىنگى كەزەڭدى قامتيتىنىن ايتقان. بۇدان وزگە، كينو تۇسىرۋگە اقش پەن قىتاي كينوكومپانيالارى كەڭەسشى رەتىندە شاقىرىلاتىنى حابارلانعان. ٴفيلمدى 2015 جىلدىڭ سوڭىنا دەيىن ەكرانعا شىعارۋ جوسپارلانىپ وتىر.

سونداي-اق، كوپ سەريالى تاريحي تۋىندىنىڭ سسەناريىن جازۋعا بەلگىلى جازۋشى سماعۇل ەلۋبايەۆ پەن تيمۋر جاقسىلىقوۆتىڭ شاقىرىلعانىن جاقسى بىلەسىزدەر. كونسۋلتانت رەتىندە «شىڭعىس حان» ٴفيلمىنىڭ سسەناريىن جازعان مامان دا شاقىرىلادى.

جالپى، قازاقستاندا ەڭ ٴبىرىنشى رەت وسىنداي اۋقىمدى تاريحي سەريال قولعا الىنىپ وتىر. ۇلكەن جاۋاپكەرشىلىك پەن ەل تاريحىن قامتيتىن كارتينا كوپشىلىكتىڭ كوڭىلىنەن شىعۋ ٴۇشىن ساپالى ٴتۇسىرىلىم جۇمىستارىن تالاپ ەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي