BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاق ايەلىنىڭ وبرازىن الەمگە تانىتاتىن فيلمدەر نەگە از؟

 استانا. 7 ناۋرىز. baq.kz – قازاق ايەلىنىڭ وبرازىن الەمگە تانىتاتىن فيلمدەر نەگە از؟ بۇل سۇراققا "الاش ايناسى" گازەتىنىڭ ٴتىلشىسى جاۋاپ ىزدەگەن ەدى.

 ٴدىلدار مامىربايەۆا، پروزاشى:

 

– قازاق تاريحىندا، كوركەم ادەبيەتتە قازاق ايەلى، انالارى تۋرالى شىعارمالار وتە كوپ. الايدا وسىنداي وبرازداردى فيلم ارقىلى بولا ما، ايتەۋىر قالاي بولسا دا اشىپ كورستەۋ جاعى كەمشىن ٴتۇسىپ جاتادى. مىسالى، قۇنانبايدىڭ اناسى، ابايدىڭ اجەسى زەرەنىڭ وبرازى قانداي عاجاپ. وكىنىشكە وراي، كەيبىر جاستارىمىز ۆيكتورينالىق سۇراقتاردا «ابايدىڭ اجەسى كىم» دەگەن سۇراق كەلىپ قالسا، جاۋاپ بەرە الماي جاتادى. سونداي-اق عابيت مۇسىرەپوۆتىڭ «ۇلپانى» تەك قازاق ايەلىنىڭ وبرازى عانا ەمەس، تۇگەلدەي ٴبىر ۇلتتى العا سۇيرەيتىن، وركەنيەتكە جەتكىزۋگە تىرىسقان تاماشا وبراز. تىزە بەرەتىن بولساق، كوركەم ادەبيەتتەگى قازاق ايەلىنىڭ ورنى ەرەكشە. مەنىڭشە، وسى وبرازداردىڭ كەز كەلگەنى فيلمدەرگە ارقاۋ بولارلىقتاي. قازاق ايەلىن الەمگە تانىتاتىن فيلمدەر ٴتۇسىرۋ بولاشاقتىڭ ەنشىسىندە دەپ ويلايمىن.

 

 

 

ديدار امانتاي، جازۋشى:

 

– «قازاقفيلم» كينوستۋدياسى قۇرىعاننان باستاپ قازاق ايەلدەرىنىڭ وبرازىن سومداۋعا ارنالعان فيلمدەر ٴتۇسىرىپ كەلەدى. سوناۋ العاشقى فيلمدەردىڭ رەجيسسەرلەرى باسقا ۇلتتىڭ وكىلدەرى بولسا، دا سسەنارييىن بەيىمبەت مايلين، مۇحتار اۋەزوۆ سەكىلدى تۇلعالار جازعان. قازاق كينو تاريحىندا العاش قازاق رەجيسسەر تۇسىرگەن فيلم ول شاكەن ايمانوۆتىڭ «ماحاببات داستانى». وسى فيلمدە باياننىڭ بەينەسى قازاق قىزىنىڭ وبرازىن كورسەتەدى. ودان كەيىن سۇلتان قوجىقوۆ «قىز-جىبەك» ٴفيلمىن ٴتۇسىردى. قازاق كينوسىنىڭ نەگىزىن قالاۋشىلاردىڭ ٴبىرى ٴماجيت بەگالين مانشۇك مامەتوۆا جايلى فيلم ٴتۇسىردى. مىنە، وسى فيلمدەردىڭ ٴبارى قازاق ايەلدەرىنىڭ، انالاردىڭ وبرازىن اشىپ كورسەتەتىن قۇندى كارتينالار. سوڭعى جىلدارى دا قازاق فيلمدەرى كوپتەپ تۇسىرىلەۋدە. سولاردىڭ ىشىندە اقان ساتايەۆتىڭ «جاۋجۇرەك مىڭبالا» فيلمىندە قۇرالاي ارقىلى قازاقتىڭ باتىر قىزدارىنىڭ وبرازى شىنايى كورسەتىلگەن. بولاشاقتا ٴالى دە بۇل ماڭگىلىك تاقىرىپ قازاق كينوسىنان شەت قالماق ەمەس.

 

 

 

ساتىبالدى نارىمبەتوۆ، كينودراماتۋرگ:

– ەگەر تاريحتى قازبالايتىن بولساق، قازاق ايەلىنىڭ وبرازى توميريستەن باستالۋ كەرەك. ال توميريس سەكىلدى ەرجۇرەك قىز تۋرالى ٴفيلمدى تۇسىرۋگە قىرۋار قارجى كەرەك. گولليۆۋد تۇسىرەتىن مۇنداي تاريحي فيلمدەرگە ٴجۇز ميلليون دوللار، ٴتىپتى ودان دا كوپ قارجى بولىنەدى. وسى ۋاقىتقا دەيىن «قازاقفيلم» ٴقال-قادىرى جەتكەنشە مانشۇك، ٴاليا تۋرالى، قازاق انالارىنىڭ وبرازىن اشاتىن باسقا دا ٴبىرشاما فيلمدەر ٴتۇسىردى. ال ەشبىر باسقا ەلدەر انا تۋرالى ارنايى فيلم تۇسىرگەن ەمەس. مەنىڭ ارمانىم – قازاقتىڭ ۇشقىش قىزى حيۋاز دوسپانوۆا تۋرالى فيلم ٴتۇسىرۋ. الايدا ٴبارى قارجىعا كەلىپ تىرەلەدى. ايتپەسە ٴقازىر بىزدە مۇمكىندىك بار، جاس، دارىندى رەجيسسەرلەر دە بار.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي