BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قاسىم» سەريالىنىڭ جالعاسى تۇسىرىلەدى

استانا. 11 قاراشا. baq.kz – بۇگىن قر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە قر مادەنيەت جانە اقپارات ٴمينيسترى مۇحتار قۇل-مۇحاممەد وتاندىق تەلەارنالارداعى شەتەلدىك تەلەحيكايالاردىڭ سانىنىڭ الداعى ۋاقىتتا ازايا تۇسەتىندىگىن ايتتى، دەپ حابارلايدى baq.kz ٴتىلشىسى.

جاسىراتىنى جوق، ۇكىمەت تاراپىنان ٴبولىنىپ جاتقان قارجىنىڭ ٴبىراز بولىگى شەتەلدىك تەلەحيكايالاردى ساتىپ الۋعا جۇمسالىپ جاتادى. كورەرمەدەر تاراپىنان دا ٴجيى تالقىعا تۇسەتىن وسى ساۋالدىڭ ٴتۇيىنىن ٴمينيستردىڭ ٴوزى تارقاتتى: «ال ترانسلياسياسىنا تاعى قوسىمشا اقشا كەتەدى. وسىنىڭ ناتيجەسىندە مەملەكەتتىڭ قىرۋار قارجىسى تۇرىك جانە كارىس سەريالدارىن تۇسىرۋگە كەتىپ جاتىر. سوندىقتان بيىلدان باستاپ ول تەلەحيكايالاردى ساتىپ الۋ جۇمىسى توقتاتىلدى. سول اقشا وتاندىق تەلەونىمدەردى شىعارۋعا جۇمسالماق»، - دەيدى م.قۇل-مۇحاممەد.
مينيستر سونىمەن قاتار، «قازاقستان» ۇلتتىق ارناسى» تەلەارناسىنان مامىر ايىندا كورەرمەندەرگە جول تارتقان «قاسىم» تەلەسەريالىنا ەرەكشە توقتالىپ ٴوتتى. قازىرگى ۋاقىتتا اتلعان سەريالعا ەۋروپا ەلدەرى تاراپىنان سۇرانىستار ٴتۇسىپ، كەلىسىم-شارتتار جۇرگىزىلۋدە ەكەنىن جەتكىزدى.
وتاندىق كورەرمەندەرمەن قاتار، شەتەلدىكتەردىڭ سۇرانىسىنا يە بولعان تەلەحيكايانىڭ جالعاسىن ٴتۇسىرۋ كوزدەلگەن.
ايتا كەتەيىك، وتاندىق تەلەحيكالاردىڭ قورجىنى داڭقتى قولباسشى، حالىق قاھارمانى باۋىرجان مومىش ۇلى مەن ايگىلى وپەرا ٴانشىسى كۇلاش بايسەيىتوۆا تۋرالى تەلەسەريالدارمەن دە تولىعادى دەپ كۇتىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي