BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قارىز بانك» كەڭسەسىندە بولعان وقيعا تۋرالى فيلم ٴتۇسىرىلدى

 استانا. 30 قاراشا. baq.kz – «حابار» اگەنتتىگىنىڭ تاپسىرىسىمەن تاعى ٴبىر جاڭا فيلم ٴتۇسىرىلدى. 2 جەلتوقساندا ەفيرگە شىعاتىن ليريكالىق-كومەديا «ٴسۇربويداق» دەپ اتالادى.

 اسقار ۇزابايەۆ، رەجيسسەر: 

-بۇل كومەديا جانرىنداعى، بانك قىزمەتكەرلەرى جايلى فيلم. ونى تاڭداعان سەبەبىمىز حالىقتىڭ باسىم بولىگى بانك قىزمەتكەرلەرىمەن ٴجيى كەزدەسكەنىمەن، ولاردىڭ جەكە ٴومىرى تۋرالى بىلە بەرمەيدى. ال ٴبىز بانك قىزمەتكەرلەرى دە كوڭىلدى جاندار ەكەنىن جانە ولار دا نەسيە الاتىنىن حالىققا قىزىقتى ەتىپ جەتكىزگىمىز كەلدى.

 

43 جاستاعى ٴسۇربويداقتىڭ سۇيىكتىسىن ىزدەپ، ٴتۇرلى كۇلكىلى وقيعالارعا تاپ بولۋى كورەرمەننىڭ سۇيىكتى ٴفيلمى «تاقيالى پەرىشتەنى» ەسكە سالادى. «ٴيا، بۇل كوپتەگەن فيلمدەردە كەزدەسەتىن وقيعالاردىڭ جيىنتىعى»، - دەيدى رەجيسسەر. بالاسىنىڭ باقىتى ٴۇشىن اۋىلدان كەلگەن انانى كوپشىلىككە اق جاۋلىعىمەن ەستە قالعان ٴاليحان اپاي وينايدى.

 

ٴاليحان ىدىرىسوۆا، قر ەڭبەگى سىڭگەن قايراتكەر:

-ەندى وسى ۋاقىتقا دەيىن شىنىمەنەن كوپ فيلمدەردە مەنى ورامالمەن تانىدى. وزدەرىڭىز كورگەن جاڭاعى «تراكتورشىنىڭ ماحابباتىندا» دا. ال ەندى قازىرگى مىنا كينودا وسى زامانعى، زاماناۋي ادەمى پريچەسكامەن، بويانعان، شارفتى لاقتىرا تاستاپ بىلاي، سونداي انامىن. جاڭاعى بالالارىنا بولاشاق جارىن ىزدەگەن، كەلىن ىزدەگەن، انامىن.

 

سونداي-اق باستى رولدەردە بەلگىلى بالەرينا ساۋلە راحمەتوۆا، اكتەر دارحان دايىربايەۆ، ەسليام ٴنۇرتازيندى كورۋگە بولادى. ٴسۇربويداقتى ومىردە 4 بالانىڭ اكەسى، ٴابۋناسىر سەرىكوۆ وينايدى. اكتەر 25 جىل ساحنادا جۇرگەنىمەن، ٴاربىر جاڭا باستامانىڭ ٴوز قيىندىعى بولاتىنىن ايتادى.

 

ٴابۋناسىر سەرىكوۆ، قر ەڭبەگى سىڭگەن مادەنيەت قايراتكەرى:

-ول اكتەرعا دا، رەجيسسەرعا دا وڭاي ەمەس. بىتكەنشە، ول حالىق قابىلداعانشا. قالاي شىعادى؟ اكتەرلار قالاي وينايدى؟ قالاي كومەكتەسەدى؟ ەرتەڭ بىتىرگەننەن كەيىن ونىڭ جاڭاعى مونتاجى بار، وزۆۋچكاسى بار، ونىڭ حالىقتىڭ الدىنا بارعانشا. حالىق قابىلداعاننان كەيىن بارىپ، ودان كەيىن بارىپ، ول ورنىنا ٴتۇسۋى مۇمكىن دە.

 

كۇلدىرە وتىرا، كوزگە جاس ۇيىرەتىن «قارىز بانكتىڭ» كەڭسەسىندە بولعان وقيعا 10-سەريادان تۇرادى. باس كەيىپكەر قادىربەك فيلم سوڭىندا ٴوز باقىتىن تابا ما؟ الدە سيۋجەت جەلىسى باسقا ارناعا بۇرىپ كەتە مە؟ ونى جەلتوقساندا «حابار» ارناسىنان كورسەتىلەتىن تەلەحيكايادان بىلەتىن بولاسىز.

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي