BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاينار ولجاي: ەلباسى سوزگە شەبەر ادام (فوتو)

استانا. 28 قاراشا. baq.kz - «تۇڭعىش - پەرۆىي» دەرەكتى كينو اپتالىعىنىڭ ٴۇشىنشى كۇنى كورەرمەندەردىڭ نازارىنا «پرەزيدەنتپەن جۇزدەسكەن بەس ٴسات» دەرەكتى ٴفيلمىنىڭ ەكى سەرياسى ۇسىنىلدى.

كينوسەانسقا ٴفيلمنىڭ تۇسىرىلۋىنە ات سالىسقان تانىمال جۋرناليست، قر ەڭبەك سىڭىرگەن قايراتكەرى، «قازاقستان» رترك باسقارماسى ٴتوراعاسىنىڭ ورىنباسارى قاينار ولجاي كەلىپ، استانا قالاسى قارجى اكادەمياسى، «تۇران-استانا» ۋنيۆەرسيتەتى، س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ستۋدەنتتەرىمەن كەزدەسۋدە ەلباسى جايلى ەستەلىكتەرىن ورتاعا سالدى.

 

«تاۋەلسىز قازاقستاننىڭ ٴار جىلى – ۇلكەن وقيعا جانە ول زور ىنتامەن اتاپ وتىلەدى. ٴاربىر تەلەكانال، ٴار رەداكسيا، ٴار جۋرناليست وعان ٴوز ۇلەسىن قوسادى. وسى 5 سەريالى فيلم جوعارى جاقتىڭ نۇسقاۋىمەن ەمەس، جۋرناليستەردىڭ باستاماسىمەن، سولاردىڭ كۇشىمەن ٴتۇسىرىلدى. ٴفيلمدى ٴتۇسىرۋ تۋرالى يدەيا حابار اگەنتتىگىندە تۋدى. بۇل «حابار» اگەنتتىگى مەن رەسپۋبليكالىق «قازاقستان» تەلەراديوكورپوراسياسىنىڭ بىرلەسكەن جوباسى».
مەن نۇرسۇلتان نازاربايەۆ تۋرالى فيلم تۇسىرۋگە ات سالىسىپ قانا قويعانىم جوق، كىتاپ تا، بىرنەشە ماقالا دا جازدىم. ٴاربىر سۇحبات العاندا، ٴار جولى حالىقپەن كەزدەسۋىندە ونىڭ جاڭا قىرلارى اشىلادى. بىرىنشىدەن، ول ٴاردايىم كەز كەلگەن جاعدايدا سوزگە تاپقىر. ماسەلەن، توقتار اۋباكىروۆ عارىشقا ۇشۋعا دايىندالىپ جاتقان كەزدە، بايقوڭىرداعى عارىشتىق ايلاق تۋرالى، رەسەيدىڭ جالعا الۋى، ونىڭ قىمبات قۇنى تۋرالى جانە بوس قالمايتىنى جايلى جاقسى ايتتى. توقتار اۋباكىروۆپەن بىرگە عارىشقا اۆستراليالىق جانە رەسەيلىك عارىشكەرلەر دە ۇشتى. ولاردى عارىش ساپارىنا اتتاندىرۋعا ٴۇش مەملەكەتتىڭ دە باسشىلارى كەلدى. قازاقستان تۋرالى كورمە ۇيىمداستىرىلدى. كورمەنى ۇيىمداستىرعان مۇحامەدجان الىمبايەۆ ٴسوز سويلەپ، اۆستراليالىقتارعا كىلەم سىيلاۋى كەرەك بولاتىن. ٴبىراق ونىڭ ٴسوزى سونداي ۇزاق بولعانى سونشا، اۋدارماشىنىڭ ٴوزى شارشاپ كەتەدى. سول كەزدە نۇرەكەڭ وعان سەنىڭ ٴسوزىڭ بەرەتىن كىلەمىڭنەن دە ۇزىن بولىپ كەتتى عوي دەپ جۇرتتى دۋ كۇلدىردى. سوندا بارىپ ول ٴسوزىن اياقتاي سالا سىي كادەنى تاپسىردى. مىنە، ول وسىلاي قىسقا دا نۇسقا دا سوزگە شەبەر ادام
».


ايتا كەتەيىك، 29 قاراشا «پرەزيدەنتپەن جۇزدەسكەن بەس ٴسات» - «استانا» دەرەكتى ٴفيلمىنىڭ العاشقى ٴبولىمى مەن «دالا عاجايىبى» ٴفيلمى كورسەتىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي