BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گولليۆۋدتىڭ تاعى ٴبىر كينوسى قازاقشاعا اۋدارىلدى

استانا. 21 ٴساۋىر. baq.kz – marvel ستۋدياسىنىڭ تانىمال «كەك الۋشىلار: الترون ٴداۋىرى/مستيتەلي: ەرا الترونا» بلوكباستەرى قازاق تىلىنە اۋدارىلىپ، ەرتەڭنەن باستاپ ەل كينوتەاترلارىنان كورسەتىلە باستايدى. 

جوبانى ادەتتەگىدەي «بولاشاق» قاۋىمداستىعى، «نۇر وتان» پارتياسى جانە «kassa nova بانك» اق جۇزەگە اسىرىپ وتىر.

«كەك الۋشىلار: الترون ٴداۋىرى/مستيتەلي: ەرا الترونا» 2011 جىلدان بەرى قازاق تىلىنە اۋدارىلعان ٴ11-شى، ال 2015 جىلعى ٴ2-شى فيلم. بۇل جوبا «نۇر وتان» پارتياسىمەن بىرگە «جاستار – وتانعا!» جاستار جوباسىنىڭ اياسىندا جۇزەگە اسىرىلۋدا.

الدىن-الا كورسەتىلىمدە استانا جانە الماتى قالالارىنىڭ جەتىمدەر ۋيلەرىنىڭ تاربيەلەنۋشىلەرى، قوعامنىڭ بەلگىلى تۇلعالارى، سونداي-اق، باق، «بولاشاق» قوعامداستىعى مەن «نۇر وتان» پارتياسىنىڭ وكىلدەرى قاتىسادى دەپ جوسپارلانۋدا.

ايتا كەتەيىك، اتالعان كينوتۋىندىنىڭ پرەمەراسى ەرتەڭ - 22 ٴساۋىر كۇنى كورسەتىلەدى. ٴفيلمنىڭ باستى رولدەرىن گولليۆۋدتىڭ تانىمال اكتەرلارى مەن اكتريسالارى: كىشى روبەرت داۋني، سكارلەتت يوحانسسون، كريس حەمسۆورت، ەليزابەت ولسەن جانە مارك رۋففالو سومدايدى. ال، ولاردى قازاقشاعا دىبىستاعاندار: ماقپال يسابەكوۆا، جاسۇلان بايسالبەكوۆ، بەيبىت قامارانوۆ، ەرجان جارىلقاسىنوۆ، ەرعالي تولەبايەۆ، باقىتجان جارمۇقانبەتوۆ جانە سامات قوردابايەۆ.

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي