BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"عاشىقتار كۇنىنە" وراي 10 سەريالى فيلم كورەرمەنگە جول تارتتى

استانا. 15 ٴساۋىر. baq.kz – شىمكەنت قالاسىنداعى «وتىرار» مەدياحولدينگىنىڭ ۇجىمى قوزى كورپەش — بايان سۇلۋ كۇنى مەرەكەسىنە وراي كورەرمەندەرىنە 10 سەريالى «مەن ۇيلەنەمىن» تەلەحيكاياسىن ۇسىنادى. تەلەحيكايا بۇگىننەن باستاپ ٴار اپتانىڭ سارسەنبى كۇندەرى ساعات 17:00-دە ەفيرگە شىعادى. 

فيلم كومەديا جانرىندا تۇسىرىلگەن. ٴار سەريانىڭ ۇزاقتىعى شامامەن 15 مينۋتتى قۇرايدى.

عاشىقتار حيكاياسىنداعى رولدەردى تەلەارنا قىزمەتكەرلەرى سومدايدى. نەگىزگى وقيعا جەلىسى — ەكى جاستىڭ ۇيلەنۋىنە بايلانىستى. قىز بەن جىگىت ٴبىرىن-بىرى ٴسۇيىپ قالىپ، قوسىلۋعا شەشىم قابىلدايدى. ٴسويتىپ، ونى وزدەرىنىڭ اتا-انالارىنا جەتكىزەدى. ٴفيلمنىڭ سيۋجەتى سول عاشىقتاردىڭ ۇيلەنۋ تويىنا دايىندىعى بارىسىندا ورىن العان قىزىقتى وقيعالار جايىندا.

ايتا كەتەيىك، قوزى كورپەش — بايان سۇلۋ كۇنىن اتاپ ٴوتۋدى ەلىمىزدە ەڭ العاش رەت 1999 جىلى دارحان مىڭباي ۇسىنعان بولاتىن. سول ۋاقىتتان بەرى شاعىن اۋديتوريالاردا اتالىپ ٴوتىلىپ كەلگەن ايتۋلى مەرەكە 2011 جىلدان باستاپ جالپىحالىقتىق سيپات الدى.

ال، شىمكەنتتە بۇدان بولەك تاعى ٴبىر ٴفيلمنىڭ ٴتۇسىرىلىپ جاتقانىن دا ايتا كەتۋ كەرەك. «مايدانگەرلەر» دەپ اتالاتىن تەلەفيلم قىسقامەتراجدى، ۇزاقتىعى 25 مينۋت. اتى ايتىپ تۇرعانداي، ول ۇلى وتان سوعىسىنا اتتانعان قازاق جاۋىنگەرلەرىنىڭ جانقيارلىق ەرلىكتەرى جايىندا. رەجيسسەر سەرىك تالاسوۆتىڭ ايتۋىنشا، كينو ۇلى جەڭىستىڭ 70 جىلدىعىنا ارنالعان.

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي