BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"ەۋرازيا" حكف-نىڭ ٴادىل-قازىلار القاسىنىڭ ٴتورايىمى انىقتالدى

 استانا 8 تامىز. baq.kz - الماتى قالاسىندا وتەتىن ٴىح حالىقارالىق «ەۋرازيا» كينوفەستيۆالىنىڭ ٴادىل-قازىلار القاسىنىڭ ٴتورايىمى «وسكار» جانە ۆەنەسيالىق كينوفەستيۆالدىڭ «كۇمىس ارىستان» جۇلدەلەرىنىڭ يەگەرى، جازۋشى ٴارى رەجيسسەر دجەين كەمپيون بولاتىن بولدى، دەپ حابارلايدى كينوفەستيۆالدىڭ ۇيىمداستىرۋشىلارى.

   سونداي-اق دجەين كەمپيونمەن قاتار فەستيۆالدىڭ ٴادىل-قازىلار القاسىنىڭ قۇرامىنا كانن كينوفەستيۆالىنىڭ جەڭىمپازى فيليپپيندىك كينورەجيسسەر بريليانت مەندوس، يسپاندىق پروديۋسەر، رەجيسسەر لۋيس ميناررو، امەرياكالىق تانىمال سسەناريست دەۆيد فرانسيوني جانە حالىقارالىق فەستيۆالدىڭ ەڭ جاس مۇشەسى ەمير بايعازين كىرەدى.

   «ەۋرازيا» حكف-دە حالىقارالىق ٴادىل-قازىلار القاسىمەن قاتار فيپرەسسي جانە نەتپاك-تىڭ كينوسىنشىلارى قازىلىق ەتەدى.

   ٴىح حالىقارالىق «ەۋرازيا» كينوفەستيۆالى الماتى قالاسىندا 16 مەن 21 قىركۇيەك ارالىعىندا وتەدى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي