BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەرمەك تۇرسىنوۆتىڭ "كەنجە" ٴفيلمى پروكاتقا كوكتەمدە شىعادى (فوتو)

استانا. 30 قاڭتار. baq.kz - الماتىدا ەرمەك تۇرسىنوۆتىڭ "كەنجە" ٴفيلمى تۇڭعىش رەت كورسەتىلدى. كارتينا - رەجيسسەردىڭ قۇرامىنا "كەلىن"، "شال" فيلمدەرى كىرەتىن تريلوگياسىنىڭ سوڭعى ٴبولىمى، - دەپ حابارلايدى tengrinews.kz ٴتىلشىسى.  

كارتينا پروديۋسەرى الەكساندر ۆوۆنيانكونىڭ ايتۋىنشا، "كەنجە" پروكاتقا ناۋرىز ايىنىڭ سوڭىندا - ٴساۋىر ايىنىڭ باسىندا شىعارىلادى. "بۇگىن "كەنجەنىڭ" رەسمي كورسەتىلىمى ەمەس، بۇگىن - ولەگ بورەسكيي كلۋبىندا جابىق تۇردە كورسەتىلۋى. ٴبىز ەرمەك تۇرسىنوۆتىڭ بارلىق ٴفيلمىن وسىندا العاش رەت كورسەتكەنبىز، سودان كەيىن بارىپ كەڭ پروكاتقا شىعادى"، - دەدى ول.

كينوسىنشى ولەگ بورەسكييدىڭ ايتۋىنشا، رەجيسسەر كوپشىلىك كورەرمەنگە ارنالعان جانە جانرلىق كينونى تەڭدەستىرە العان، سونىمەن قاتار لەنتادا تەرەڭ فيلوسوفيالىق ساتتەر دە بار. "مەن ٴبىر سۇحباتىمدا "ەرمەك تۇرسىنوۆ - ٴبىزدىڭ بارىمىز" دەگەنمىن. سسەناريي بويىنشا دا، كينەماتوگرافيا بويىنشا دا. بۇل جانرلىق كينو عانا ەمەس، ٴبىزدى ويلانۋعا ماجبۇرلەيتىن كينو دا. ەگەر بىزدە ٴبىر ساتتىك ماسەلەلەردەن گورى قوعامدا بولىپ جاتقان تەرەڭ پروسەستەردى دە كوتەرە الاتىن وسىنداي رەجيسسەرلەر كوپ بولسا، ٴبىز ودان تەك قانا ۇتار ەدىك"، - دەدى بورەسكيي.

"كەنجە" ٴفيلمى تايلاندتا جانە يسپانيانىڭ مايوركا ارالىندا ٴتۇسىرىلدى. ۆەنگريا، رەسەي، اقش كاسىپقويلارىنان تۇراتىن ٴتۇسىرۋ كومانداسى تاۋلىگىنە 12 ساعاتتان جۇمىس ىستەدى. تريۋكتەرگە جايداربەك كۇنقوجينوۆتىڭ "نوماد" كاسكادەرلەر توبى جاۋاپتى بولدى. باستى رولدەگى جاندوس ايباسوۆتىڭ تريۋكتەرىن دۋبلەر ورىندادى. باس كەيىپكەردىڭ ايەلى رولىندە اكتريسا اينۇر نيازوۆا وينادى. كارتينادان ولگا زايسەۆا، ميحايل حمۋروۆ سياقتى رەسەي اكتەرلەرى مەن "جاۋجۇرەك مىڭ بالا" كارتيناسى ارقىلى تانىس قازاقستاندىق اكتەر ەدۋارد وڭداردى دا كورۋگە بولادى.

"كەنجە" اتا-اناسىنان ەرتە ايىرىلعان اعايىندىلار تۋرالى. اۋىلداعى بالالار ۇيىنە ورنالاستىرىلعان باۋىرلار قالاعا قاشىپ كەتەدى. ارادا ٴبىراز ۋاقىت وتكەندە اعايىندىلار كىسى ولتىرۋگە تاپسىرىس قابىلداپ، تابىس تابا باستايدى. باس كەيىپكەرلەر ساتقىندىقتى، ٴتۇڭىلۋ مەن قاتىگەزدىكتى باستان وتكەرەدى.  


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي