BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەندى «بريگادا» ٴفيلمى قازاقستاندا تۇسىرىلەدى

استانا. 19 قاڭتار. baq.kz – ەستەرىڭىزدە بولسا، 2002 جىلى جارىققا شىققان رەسەيلىك 15 سەريالدى «بريگادا» ٴفيلمى حالىق اراسىنا تەز تارقاپ، كوپشىلىك كورەرمەندەردىڭ نازارىن وزىنە اۋدارعان ەدى. كارتينادا الەكساندر بەلىي (فيلمدە ساشا بەلىي ەسىمىمەن تانىمال) جانە ونىڭ ٴۇش اقىلدى دوسى 1989 جانە 2000 جىلدار اراسىندا قيىن-قىستاۋ كەزەڭدەردەگى سىناقتارعا مويىنسىنباي، تاباندى قارەكەتىنىڭ ارقاسىندا كاسىبى دوڭگەلەگەن بەدەلدى تۇلعالارعا اينالادى.

 

قازاقستاندا تۇسىرىلگەلى جاتقان «بريگادانىڭ» دا سسەناريي جەلىسى سونداي. ايىرماشىلىعى: فيلم «فورتۋنا» دەپ اتالادى جانە بۇل كورىنىستەگى دوستار قاندى قىلمىستىڭ ەمەس، ناعىز ەڭبەكتىڭ ارقاسىندا جەتىستىككە جەتىپ، بيزنەسىن اياقتان تۇرعىزادى.

– «فورتۋنا» ٴفيلمى «بريگادانىڭ» بالاماسى. ٴبىراق ٴبىزدىڭ نۇسقاداعى كەيىپكەرلەر قاندىقول قاراقشىلىقتىڭ ەمەس، ەلدەگى ورتا جانە شاعىن بيزنەستىڭ ارقاسىندا كاسىبىن دامىتادى. ولاردىڭ ٴومىرى قازاقستان جاستارىنا رۋحاني، ماتەريالدىق تۇرعىدان دا سەرپىلىس بەرەدى دەپ ۇمىتتەنەمىن»

مۇنى «قازاقفيلم» ەمەس، جەكەلەگەن كينو كومپانياسى تۇسىرەدى، ٴتۇسىرىلىم وقيعالاردىڭ باسىم بولىگى ٴوربيتىن ماڭعىستاۋ وبلىسىندا وتەدى. سوندىقتان دا كارتينانى سومدايتىن اكتەرلەر دە جەرگىلىكتى حالىق اراسىنان كاستينگ جاريالاۋ ارقىلى تاڭدالىنباق.

اقتاۋداعى كاستينگكە قاتىسقان 800 ۇمىتكەرلەردىڭ ٴ200-ى ەكىنشى سىناققا جولداما الدى، ەندىگى كاستينگ جاڭاوزەن قالاسىندا جالعاسىپ جاتىر.

ارسەن جامبىل، رەجيسسەر:

– «ٴفيلمنىڭ ٴتۇسىرىلىمى 6 ماۋسىمنان تۇرادى، ٴاربىر ماۋسىمىندا 12 سەريا بار. قاجەتتى اكتەرلەر تاڭدالىنىپ بولعاننان كەيىن اقپان ايىنىڭ سوڭىندا ٴتۇسىرىلىمدى باستايمىز. اللا قالاسا، 22-ناۋرىز ناۋرىز مەيرامى قارساڭىندا «قازاقستان-اقتاۋ» ارناسىنان ٴفيلمنىڭ العاشقى سەريالدارىن كورەتىن بولاسىزدار».

كينونىڭ ٴاربىر ماۋسىمىنا 25 ميلليون تەڭگە جۇمسالماق. رەجيسسەردىڭ ايتۋىنشا، ٴفيلمنىڭ اكتەرلەرىنە تولەنەتىن ەڭبەكاقىسى «قازاقفيلم» ارتىستەرىنىكىنەن كەم تۇسپەيدى. ال كاستينگتەن وتە الماعاندارعا ٴفيلمنىڭ باسقا ماۋسىمدارىندا شاقىرتۋ ٴتۇسىپ قالۋ مۇمكىندىگىن دە ايتتى. ٴساتى ٴتۇسىپ جاتسا، بۇل ٴفيلمدى رەسپۋبليكالىق ارنالاردان، جاقىن كورشىلەس مەملەكەتتەردە دە كورسەتۋدى جوسپارلاپ وتىر.
 

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي