BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەمير ٴبايعازيننىڭ «ۇندەستىك ساباقتارى» سلوۆاكيادا ەڭ ۇزدىك فيلم اتاندى

استانا. 4 شىلدە. baq.kz – ەمير ٴبايعازيننىڭ «ۇندەستىك ساباقتارى» اتتى ٴفيلمى 21-26 ماۋسىم ارالىعىندا سلوۆاكيانىڭ ترەنچين قالاسىندا وتكەن ٴ21-شى حالىقارالىق كينوونەر فەستيۆالىندە «ەڭ ۇزدىك» فيلم گران-پريىن جانە قالا مەرىنىڭ ارنايى سىيلىعىنا يە بولدى، دەپ حابارلايدى «قازاقفيلم» كينوستۋدياسىنىڭ ٴباسپاسوز قىزمەتى. 

«ۇندەستىك ساباقتارى» كارتيناسىنىڭ پرەمەراسى وسى جىلدىڭ اقپان ايىندا بەرلين كينوفەستيۆالىندە ٴوتىپ، ۇزدىك وپەراتورلىق جۇمىس ٴۇشىن «كۇمىس ايۋ» جۇلدەسى مەن «مورگەنپوست» گازەتىنىڭ وقىرماندارىنىڭ سىيلىعىنا يە بولعان. بۇل قازاقستان تاريحىنداعى بەرلينالە كونكۋرسىندا جۇلدەلى بولعان العاشقى فيلم. سونىمەن قاتار فيلم ۆاشينگتوننىڭ سيەتل جانە ششۆەيساريانىڭ بازەل قالالارىندا وتكەن حالىقارالىق كينوفەستيۆالدەردە گران-پريممەن، نيۋ-يوركتە وتكەن «ترايبەكا» فەستيۆالىندە ٴادىل-قازىلاردىڭ ارنايى ديپلومىمەن ماراپاتتالعان.
______________________________________________________________________________________

حالىقارالىق art film fest كينوفەستيۆالى 1993 جىلدان باستاپ جىل سايىن سلوۆاكيانىڭ ترەنچين كۋرورتتىق قالاسىندا وتكىزىلىپ كەلەتىن كينوفەستيۆال. بۇل فەستيۆال العاش رەت يۋنەسكو-نىڭ قولداۋىمەن وتكەن. باستاپقىدا تەك دەرەكتى فيلمدەردىڭ اۆتورلارىن عانا ماراپاتتايتىن فەستيۆال، 1995 جىلدان باستاپ كينو ونەرىنىڭ دامۋىنا ەرەكشە ۇلەس قوسقاندارعا «اكتەر ميسسياسى» پرەمياسى جانە «التىن كامەرا» جۇلدەسىمەن تولىقتىرىلعان.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي