BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەمير بايعازين اقش-تان جۇلدەلى قايتتى

استانا. 4 قاراشا. baq.kz - رەجيسسەر ەمير ٴبايعازيننىڭ «ۇندەستىك ساباقتارى» ٴفيلمى 17 مەن 27 قازان ارالىعىندا اقش-تا وتكەن فيلادەلفيانىڭ ٴ22-شى كينوفەستيۆالىنىڭ «ۇزدىك باستاما» جانە «ۇزدىك وپەراتورلىق جۇمىس» جۇلدەلەرىن يەلەندى، - دەپ حابارلايدى «قازاقفيلم» كينوستۋدياسىنىڭ ٴباسپاسوز قىزمەتى.

قازاقستاندىق «ۇندەستىك ساباقتارى» ٴفيلمى بيىلعى جىلدىڭ ۇزدىك حالىقارالىق تۋىندىلارىن جيناعان «الەمدىك حيكايالار» باعدارلاماسى اياسىندا كورسەتىلگەن.
ەمير بايعازين: «اقش كينوفەستيۆالدەرىنىڭ ٴبىزدىڭ ٴفيلمدى ۇزدىك تانىپ جاتقاندارى وتە قۋانتادى»، - دەيدى.
«ۇندەستىك ساباقتارى» بەرلين حكف-دە «كۇمىس ايۋدى» جەڭىپ العاننان كەيىن ەۋروپا مەن اقش-تا ٴبىرقاتار سىيلىقتاردى يەلەنگەن: سيەتل حكف-نىڭ گران-پريى، بازەل (ششۆەيساريا) كينوفەستيۆالىنىڭ گران-پريى، سلوۆاكيا حكف-نىڭ گران-پريى، لوزاننا (ششۆەيساريا) حكف-نىڭ گران-پريى، ۆارشاۆا (پولشا) حكف مەن ابۋ دابي (ٴباا) حكف-نىڭ نەتپاك-تىڭ «ۇزدىك ازيالىق فيلم» سىيلىعى، رەسەيدىڭ «2morrow/ەرتەڭ» حكف-نىڭ گران-پريى، ساحاليندە وتكەن «الەمنىڭ شەتى» حكف-نىڭ «ۇزدىك وپەراتورلىق جۇمىس» جانە گەنت (بەلگيا) حكف-نىڭ «ٴادىل-قازىلاردىڭ ەرەكشە كوزقاراسى» سىيلىقتارىن يەلەنگەن. سونىمەن قاتار كارتينا «ا» دەڭگەيىندەگى كارلوۆى ۆارى (چەحيا)، سان سەباستيان (يسپانيا)، لوكارنو (شۆەيساريا) حكف جانە مونرەال (كانادا) حكف-نىڭ بايقاۋدان تىس كورسەتىلىمدەرىنە قاتىسقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي