BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ەلباسى جولى» كينوەپوپەياسى كورەرمەننىڭ كوزايىمىنا اينالدى

 استانا. 15 جەلتوقسان. baq.kz – ەل كينوتەاترلارىندا «ەلباسى جولى» كينوەپوپەياسىنىڭ كورسەتىلىمى جالعاسۋدا. پاۆلودارلىقتار تۋىندىنى زەيىن قويىپ تاماشالاپ، جوعارى باعا بەردى. كينونىڭ كورسەتىلىمى ٴبىر مەزەتتە پاۆلوداردىڭ 2 كينوتەاترىندا ٴوتتى. قوس زالدا ينە شانشىر جەر بولمادى. 

 تۇرعىندار ۇزىن-سونار كەزەككە تۇرىپ، ٴتىپتى كەيبىرىنە ورىن جەتپەي قالدى. كينودا ەلباسىنىڭ جاستىق شاعى مەن بوزبالا داۋرەنى شىنايى كورىنىس تاپقان. ەڭبەككە ەتەنە ارالاسقان جىگىت ٴتۇرلى توسقاۋىلدارعا توتەپ بەرىپ، تىك مىنەزىن تانىتتى. باتىل شەشىمدەر قابىلداپ، ادامگەرشىلىگىن جوعالتپادى.
قۇندىز قابىلدەنوۆا، پاۆلودار قالاسىنىڭ تۇرعىنى:
- بۇگىنگى فيلمنەن ەرەكشە اسەر الدىم. ەلباسىن وزگەشە قىرىنان كوردىم. بۇل – بۇگىنگى جاستارعا ۇلگى بولاتىن تۋىندى. ەلباسىنىڭ ساياساتكەر رەتىندەگى جولىن عانا ەمەس، ومىرلىك جولىن كوردىك.

تۇرعىندار كينونىڭ ومىرگە دەگەن كوزقاراسقا جاڭا باعدار بەرەتىندىگىن ايتادى. تۋىندىنى شالعاي اۋىل تۇرعىندارى دا كۇتىپ وتىر. كورسەتىلىم 10 قاڭتارعا دەيىن جالعاسپاق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي