BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ەلباسى جولى» كينوەپوپەياسى 14 جەلتوقسان كورەرمەنگە جول تارتادى

استانا. 6 جەلتوقسان. baq.kz - قازاقستاندىقتار پرەزيدەنت نۇرسۇلتان نازاربايەۆتىڭ بوزبالا شاعىنا ارنالعان «ەلباسى جولى» كينوەپوپەياسى 14 جەلتوقساننان باستاپ ەلىمىزدىڭ بارلىق كينوتەاترلارىنان تاماشالاي الادى، - دەپ حابارلايدى «قازاقفيلم» كينوستۋدياسىنىڭ ٴباسپاسوز قىزمەتى.

2011 جىلى شىققان «ەلباسى جولىنىڭ» ٴبىرىنشى ٴبولىمى «بالالىق شاعىمنىڭ اسپانى» حالىقتىڭ ىقىلاسىنا بولەنگەن ەدى. ەندى كوپشىلىك قاۋىمنىڭ نازارىنا «وتتى وزەن» جانە «تەمىرتاۋ» اتتى ەكى ٴبولىم ۇسىنىلماق.

ٴفيلمنىڭ العاشقى ٴبولىمى «وت وزەن» 19 جاستاعى سۇلتان ارمانىن ارقالاپ مەتاللۋرگتەر قالاسى تەمىرتاۋعا كەلۋىمەن باستالادى. كەيىن ومىرگە قۇشتار بوزبالا ٴبىلىم قۋىپ، ۋكراينانىڭ دنەپرودزەرجينسك قالاسىنا اتتانىپ، ٴارى قاراتاي فيلم ونىڭ وتانىنا وراۋ ٴساتى، ەڭبەك جولىمەن جالعاسادى.

باستى ٴرولدى بەلگىلى اكتەر نۇرلان ٴالىمجان سومدايدى. سونىمەن قاتار فيلمدە قر حالىق ٴارتىسى نۇرجۇمان ىقتىمبايەۆ، باقىتجان الپەيىسوۆ، جان بايجانبايەۆ، داۋرەن سەرعازين، تولەپبەرگەن بايساقالوۆ، مادينا ەسمانوۆا، ەرجان ٴتۇسىپوۆ جانە رەسەيلىك ۆالەنتين گافت، ۆيكتور سۋحورۋكوۆ، سەرگەي شاكۋروۆ، ناتاليا ارينباساروۆا، ماريا گولۋبكينا جانە داريا الەكساندروۆا وينايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي