BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلباسى جايىندا 8 فيلم

استانا. 27 قاراشا. baq.kz - قر تۇڭعىش پرەزيدەنتى كۇنى قارساڭىندا نازاربايەۆ ورتالىعىندا «تۇڭعىش-پەرۆىي» اتتى دەرەكتى فيلمدەر اپتالىعى اشىلدى.

 

 

كينو اپتالىعى اياسىندا نازاربايەۆ ورتالىعىنىڭ كورمە زالىندا «نۇرسۇلتان نازاربايەۆ. ٴومىربايان» ينتەراكتيۆتى ەكسپوزيسياسى قويىلىپ، كورەرمەندەرگە قر تۇڭعىش پرەزيدەنتى – ەلباسىنىڭ قىزمەتىن جان-جاقتى بەينەلەيتىن كىتاپتار، فوتوسۋرەتتەر، اۋديو- جانە ۆيدەوفيلمدەر، ٴبىلىم بەرۋدىڭ 3d-پانوراماسى ۇسىنىلدى.

اپتالىقتى اشقان پرەزيدەنت كەڭسەسىنىڭ باسشىسى، نازاربايەۆ ورتالىعى ديرەكتورىنىڭ مىندەتىن ۋاقىتشا اتقارۋشى ماحمۇد قاسىمبەكوۆ: «1991 جىلدىڭ 1 جەلتوقسانىندا قازاقستان حالقى ٴوزىنىڭ تاعدىرىن تۇڭعىش پرەزيدەنت – نۇرسۇلتان نازاربايەۆقا سەنىپ تاپسىردى. ۋاقىت تاڭداۋدىڭ دۇرىس جاسالعانىن كورسەتتى. قىسقا مەرزىم ىشىندە ٴبىزدىڭ ەل دامۋدىڭ دارا داڭعىلىنا ٴتۇستى. ۇلت كوشباسشىسى ايقىنداعان قازاقستاندىق جول ەلىمىزدى تابىسقا جەتەلەدى.
ەلدىڭ ەرتەڭى – جاستار. مۇنى ەلباسى ۇنەمى اتاپ كورسەتىپ وتىرادى. مەملەكەت باسشىسى «قازاقستان - 2050» باعدارلاماسىن ٴبىلىمدى جانە تاربيەلى جاستاردىڭ جۇزەگە اسىراتىندىعىنا سەنەدى.
وزدەرىڭىز بايقاپ وتىرعانداي، وسى شاراعا ٴبىز وزات وقۋىمەن جانە ۇلگىلى تارتىبىمەن كوزگە كورىنىپ جۇرگەن ٴبىلىمدى جاستاردى جيناپ وتىرمىز. مۇنداعى ماقسات سىزدەرگە پرەزيدەنتتىڭ ۇلت كوشباسشىسى، ازامات جانە ادام رەتىندەگى كوپقىرلى تۇلعاسىن جان-جاقتى تانىتۋ.
ٴبىز تاۋەلسىز قازاقستاننىڭ ازات ۇلى مەن ازات قىزىن باياندى بولاشاق پەن كەمەل كەلەشەكتىڭ كەپىلى دەپ بىلەمىز. ەلدىڭ ەرتەڭى بولعاندىقتان سىزدەرگە زور ٴۇمىت ارتامىز. سىزدەر وتكەن تاريحتى بىلۋگە، ونى جاساعان كەمەڭگەر تۇلعالارعا قۇرمەتپەن قاراۋعا تيىسسىزدەر
»، - دەدى.

 

قۇتتىقتاۋ سوزىنەن كەيىن ماحمۇد قاسىمبەكوۆ اپتالىققا كورەرمەن رەتىندە كەلگەن وقۋ ورىندارىنىڭ ەڭ ۇزدىك ستۋدەنتتەرىنە قۇرمەت كورسەتىپ، پرەزيدەنت نۇرسۇلتان نازاربايەۆتىڭ تىلەگى جازىلىپ، قولتاڭباسى قويىلعان «جىلدار مەن ويلار» كىتابى مەن پرەزيدەنت جايلى فيلمدەر جازىلعان ديسكتەردى سىيلادى.

اپتالىقتىڭ اشىلۋىندا كورەرمەندەردىڭ نازارىنا «ەل اناسى» جانە «ۇزەڭگىلەستەر» اتتى دەرەكتى فيلمدەر ۇسىنىلدى.

تاۋەلسىز قازاقستاننىڭ قالىپتاسۋ كەزەڭىن جانە مەملەكەتتىڭ دامۋىنا پرەزيدەنت نۇرسۇلتان نازاربايەۆتىڭ قوسقان ەرەن ەڭبەگىن دەرەكپەن دايەكتەۋگە ارنالعان كينو اپتالىعىندا جۇرتشىلىقتىڭ نازارىنا كۇن سايىن ساعات 14.00 مەن 17.00-دە ەكى دەرەكتى فيلم ۇسىنىلاتىن بولادى.


سونىمەن قاتار، اپتالىققا كۇن سايىن پرەزيدەنتتىڭ ۇزەڭگىلەستەرى، قوعام جانە مەملەكەت قايراتكەرلەرى، سپورتشىلار، دەرەكتى فيلمدەردىڭ اۆتورلارى قاتىسادى. ٴار كورسەتىلىمنەن كەيىن دەرەكتى فيلمدەر جەكە-جەكە تالدانىپ، سۇراق-جاۋاپ تۇرىندەگى پىكىر الماسۋعا كەزەك بەرىلەدى.

اپتالىق اياسىندا مەملەكەت باسشىسىنىڭ ٴومىرى مەن قىزمەتىن جان-جاقتى اشىپ كورسەتەتىن بارلىعى 8 دەرەكتى فيلم كورسەتىلەدى.

بۇگىن، 27 قاراشادا «قازاقستان جولى: تاۋەلسىزدىك حرونيكاسى» جانە «ۇلكەن ساياساتتاعى رياسىز كەزدەسۋلەر» سەريالارىنان فيلمدەر كورسەتىلەدى.

دايىنداعان: اينۇر راكيشەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي