BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ە.تۇرسىنوۆ: «قازاق حاندىعى» جوباسىنا قاتىسپاۋىم مۇمكىن

استانا. 1 ٴساۋىر. baq.kz – رەجيسسەر ەرمەك تۇرسىنوۆ «قازاق حاندىعى» جوباسىنا قاتىسپاۋى مۇمكىن.

بۇل جونىندە ەرمەك تۇرسىنوۆ «كەلىن»-«شال»-«كەنجە» تريلوگياسىنىڭ سوڭعى ٴفيلمى «كەنجە» كينوتۋىندىسىنىڭ جابىق كورسەتىلىمى اياسىندا وتكەن ٴباسپاسوز ٴماسليحاتىندا ايتتى.

- مەنىڭ بىلۋىمشە «قازاق حاندىعى» اتتى ۇلكەن جوبا ىسكە قوسىلدى. ول جاقتا رەجيسسەر رۇستەم ابدىراشەۆتىڭ باستاۋىمەن ۇلكەن شىعارماشىلىق توپ جۇمىس ىستەۋدە. ال وعان مەنىڭ قاتىسىم تۋرالى ايتاتىن بولسام. قازىرگى ۋاقىتتا كەلىسسوزدەر جۇرگىزىلۋدە. اسىعىس ۇيىمداستىرىلعان ٴباسپاسوز ٴماسليحاتىندا مەنى وعان رەجيسسەرلىك ەتەدى دەپ ايتقان ەكەن. ٴبىراق ول جايىندا ٴسوز بولعان ەمەس. ٴسوز مەنىڭ توبىمنىڭ اتالمىش جوبادا پروداكشن رەتىندە قاتىسۋى تۋرالى بولاتىن. ياعني، تەك پروداكشن ستۋديا عانا. ال رەجيسسەر، سسەناريي اۆتورى، سۋرەتشى قويۋشى رەتىندە بۇل جوباعا كىرمەيمىن، كىرگەندە ەمەسپىن، كىرەمىن دەپ تە ويلامايمىن. ويتكەنى ونىڭ بارلىعى باسىندا-اق تالقىلانعان دۇنيە. مەنىڭ ٴوزىمنىڭ جوسپارىم، جوبالارىم بار. ال بۇل جوبا مەنىڭ جوسپارىمدا بولماعان. ٴبىراق مەنىڭ توبىم ٴتۇسىرىلىمنىڭ داينىدىعىنا قاتىسۋى مۇمكىن. ول جايىندا كەلىسسوزدەر ٴالى جۇرگىزىلۋدە. مەن ول وتە ماڭىزدى جوبا دەپ بىلەمىن. وعان وتە مۇقيات قاراۋ قاجەت. سوندىقتان وعان قاتىسۋ-قاتىسپاۋ تۋرالى ٴالى ويلانۋ ۇستىندەمىن، - دەدى رەجيسسەر.

د.ساعىنبەكقىزى، ع.ماداليەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي