BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دۋلاتتىڭ «اپكەسى» تەلەحيكاياعا اينالدى

استانا. 6 جەلتوقسان. baq.kz – 9-جەلتوقساننان باستاپ جازۋشى-دراماتۋرگ، مەملەكەتتىك سىيلىقتىڭ يەگەرى دۋلات يسابەكوۆتىڭ «اپكە» پە­ساسى جەلىسىمەن تۇسىرىلگەن جاڭا تەلەحيكايا كورسەتىلە باستايدى.  

درامالىق شىعارما وتىز جىلدان استام ۋاقىت تەاتر ساحناسىندا سومدالىپ كەلگەن بولاتىن. ٴبىراق قارىمدى قالامگەر، ول «ٴاپ­كەمەن» بۇل «اپكەنىڭ» اراسىندا ايىر­ماشىلىق بولاتىنىن الدىن الا ەسكەرتتى.
«بۇرىنعى تۋىندى ەكى ساعات ىشىندە حا­لىقتىڭ كوز الدىندا وتە شىعاتىن. ەلدى دەم اراسىندا كۇلدىرىپ تە، جىلاتىپ تا الاتىن. ال تەلەۆيزيالىق نۇسقا 16 بولىمگە كەڭەي­گەن­دىكتەن، جاڭا كەيىپكەرلەر پايدا بولدى. ٴبىراق ٴاۋ باستاعى جۇرىسىنەن جاڭىلعان جوق. مۇندا دا باۋىرى ٴۇشىن شىرىلداعان اپكەنىڭ ادام­گەرشىلىك قاسيەتتەرى قامتىلادى. كەيبىر وقيعا تارتىستى تۇردە ٴوربىپ، شيەلەنىسە تۇسەدى. سوڭىنان ەرگەن قارالارى ٴۇشىن ٴوز ٴومىرىن قۇربان ەتكەن بۇگىنگى زاماننىڭ اپكەسىن كورەتىن بولاسىزدار» دەيدى دۋلات يسابەكوۆ.
جاز بويى تۇسىرىلگەن جاڭا سەريال «قا­زاقستان» ۇلتتىق ارناسىنىڭ تاپ­سىرىسىمەن كورەرمەنگە جول تارتپاق. قويۋشى رەجيسسەرى – مۇرات بيدوسوۆ. سسەناريي اۆتورى – ارمان سقابىل ۇلى نۇرقاليەۆ، ٴجاميت كوشەربايەۆ، سەرجان زاكەر ۇلى.
باستى رولدەردى ريتا كۇمىسقاليەۆا، دا­رىن شىنىبەك، قۋانىش كەرىمقۇلوۆ، ايدانا اسقار، ٴالي تۇرسىنحانوۆتار جانە باقىتجان الپەيىسوۆ، جالعاس تولعان­باي، شىنار جا­نىسبەكوۆا، ەرلان ٴبىلال، گۇل­نار جاقىپوۆا، دۋلىعا اقمولدا سىندى تانىس تا بەيتانىس ارتيستەر سومدايدى.
– جاقىندا مادەنيەت جانە اقپارات ٴمينيسترى مۇحتار قۇل-مۇحاممەد مىرزا شەتەلدىك سەريالداردىڭ كورسەتىلۋىنە تىيىم سالعانىن بىلەسىزدەر. قازاققا تۇك­كە قاتىسى جوق دۇنيەلەردىڭ ٴبارىن ەكران­نان سىرىپ تاستاپ، ولاردىڭ ورنىنا قازاق­تىڭ بەلگىلى جا­زۋشىلارىنىڭ شى­عار­ما­لارى­نان تەلە­حيكايالار تۇسىرەتىن بولىپ شەشتى. وسى يگىلىكتى ٴىستى اۋەلى مەنىڭ شەبەرحانامنان باستاۋدى ۇيعارىپتى. مەن كەلىستىم. ٴبىراق سسەناريىنە ارالاسقان جوقپىن. تەك وقىپ شىعىپ، كەيبىر تۇستا­رىنا ٴوز پىكىرىمدى ايتتىم. «اپكە» – 1970 جىلداردىڭ وقيعاسى. 1977 جىلى جازىلىپ، 1978 جىلى م.اۋەزوۆ اتىنداعى تەاتردا قويىلدى. سودان بەرى ساحنادان تۇسپەي كەلە جاتىر. ال سەريال بارىسىندا وقيعا جەلىسى ٴبۇ­گىنگى كۇنگە اۋىستىرىلدى. ەسىمى وزگەرگەن كە­يىپكەرلەر بار. رولدەگىلەردىڭ سانى جيىر­مادان استى. پەسادا اكەسى كە­لەتىن دە كەتەتىن. مۇندا ٴبىراز ايالدايدى. اپكەنىڭ ەڭبەگى، ٴوز باقىتىنان باس تارتۋى، باۋىرلارىنا ادال بولۋى، سوڭىندا جالعىز قالۋى سياقتى نەگىزگى وقيعالارى ساقتالعان. قالعان وزگەرىستەردىڭ بارلىعىنا كونۋگە تۋرا كەلەدى. كورۋگە تۇرار­لىق دۇنيە بولاتىن شىعار دەپ ويلاپ وتىر­مىن. ال­دىن الا تاماشالاۋعا جۇرەگىم داۋالا­مادى. ەكى بولىمىمەن عانا تانىستىم. باستى ٴۇش كەيىپكەردىڭ ٴرولى دۇرىس شىققان ٴتارىزدى. ارى قاراي ەل-جۇرتپەن بىرگە ەكراننان بىردەن قاراماقپىن. قالاي بولعاندا دا ۇلكەن ٴىس ٴبىتتى. ۇلتتىق سەريال بولادى دەپ كۇتىلۋدە. قۋا­نىشتى كوڭىل كۇيدەمىن. ەشقانداي كينو، ەشقانداي سپەكتاكل ماعان بىردەن ۇناعان ەمەس. ويتكەنى اۆ­توردىڭ ٴوز ىشكى رەجيسسۋراسى بولادى. سوعان قاراماستان، ٴارقايسىسىنىڭ ٴومىر سۇرۋگە قاقى بار. ٴمىن ىزدەپ، شۇقشيا بەرۋدىڭ قاجەتى جوق. ٴتىپتى «گاۋھارتاستىڭ» كەزىندە دە سىن كوپ ايتىلعان. كەيىننەن حالىقتىڭ جۇرەگىنەن شىققان تۋىندىعا اينالدى، – دەيدى دۋلات يسابەكوۆ. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي