BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇگىن تيمۋر بەكمامبەتوۆ «استانا وپەرادا» كينو تۇسىرەدى

استانا. 17 قاراشا. baq.kz – 17 قاراشا استانا تۇرعىندارى مەن قوناقتارى تيمۋر بەكمامبەتوۆتىڭ ٴداستۇرلى «شىرشالار» ٴفيلمىنىڭ جالعاسىنا ٴتۇسۋ مۇمكىندىگىنە يە بولىپ وتىر، - دەپ حابارلايدى baq.kz ٴتىلشىسى «استانا وپەرا» مەملەكەتتىك وپەرا جانە بالەت تەاترىنىڭ ٴباسپاسوز قىزمەتىنە سىلتەمە جاساي وتىرىپ.

بۇگىن ساعات 19:00-دە «استانا وپەرادا» تيمۋر بەكمامبەتوۆتىڭ «شىرشالار 1914» جاڭاجىلدىق كومەدياسىنىڭ باستاپقى جانە سوڭعى بولىمدەرى تۇسىرىلەدى. وسىعان وراي كاسىبي اكتەرلەرمەن قاتار استانا قالاسىنىڭ تۇرعىندارى مەن قوناقتارى دا كينوعا ٴتۇسىپ قانا قويماي، جاڭا جىلدى ٴبىر جارىم اي بۇرىن قارسى الىپ، بۇقارالىق سەلفيگە ٴتۇسۋ مۇمكىندىگىنە يە بولىپ وتىر.

 

بۇل ٴفيلمنىڭ «شىرشالاردىڭ» الدىڭعى بولىمدەرىنەن ەرەكشەلىگى مۇندا وقيعا 100 جىل بۇرىن وتەدى. كومەديانىڭ باسى جانە سوڭى بۇگىنگى زاماندا ورىن الماق. ٴبىر توپ جاستار جينالىپ جاڭا 2015 جىلدى قارسى العالى جاتقاندا اياق استىنان 1915 جىلعا ٴوتىپ كەتەدى...

 

ايتا كەتەيىك، «شىرشالار 1914» جاڭاجىلدىق كومەدياسىنىڭ ٴتۇسىرىلىمى ۇستىمىزدەگى جىلدىڭ اقپان ايىندا باستالعان بولاتىن. فيلم ٴبىرىنشى دۇنيەجۇزىلىك سوعىس ۋاقىتىندا رەسەيدىڭ ۇلكەن-كىشىلى قالالارىندا ورىن الىپ جاتقان وقيعالاردان تۇراتىن 6 نوۆەللادان تۇرادى.


فيلم 25 جەلتوقسان كينوتەاترلاردان كورسەتىلەدى دەپ جوسپارلانۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي