BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇگىن «ورالۋ» ٴفيلمىنىڭ تۇساۋكەسەرى وتەدى

استانا. 9 ناۋرىز. baq.kz – بۇگىن قازاقستاننىڭ بارلىق ايماقتارىندا تولىقمەتراجدى «ورالۋ» كوركەم ٴفيلمىنىڭ تۇساۋكەسەرى وتەدى.

فيلم جايىندا قر پرەزيدەنتى جانىنداعى وكق بريفينگىندە شاكەن ايمانوۆ اتىنداعى «قازاقفيلم» اق ۆيسە-پرەزيدەنتى ديدار امانتاي:
- بۇل نەگىزگى يدەياسى ەلباسىنىڭ جۇرگىزىپ وتىرعان جاستار ساياساتىنىڭ قانشالىقتى جاستارعا ٴتيىمدى ەكەندىگىن، ولاردىڭ قانشالىقتى قامقورلىقتا بولىپ وتىرعاندىعىن كورسەتۋ ٴۇشىن تۇسىرىلگەن فيلم دەپ ايتۋعا بولادى. وزدەرىڭزگە بەلگىلى مەملەكەتىمىز قابىلداعان «نۇرلى جول»، «قازاقستان-2050» دەگەن باعدارلامالار بار. سول باعدارلامالاردىڭ نەگىزىندە جاتقان جاستارعا قامقورلىق جاساۋ جانە جاستاردىڭ جاعدايىن جاساي وتىرىپ ولاردىڭ ٴوز كۇشتەرى، ٴوز بىلىمدەرى ارقىلى اڭساعان ارمان-ماقساتتارىنا جەتۋ تۋرالى تاماشا كورسەتىلگەن. بۇل فيلمدە ٴوزىنىڭ ەلىن سۇيگەن ازاماتتىڭ شەتەلدە قانشالىقتى تابىسقا جەتسە دە، ٴوز ەلىنە كەلىپ، بولىپ جاتقان وزگەرىستەردى بايقاپ ٴوز وتانىنىڭ دامۋىنا ۇلەس قوسامىن دەگەن نيەتتەن تۋعان تاماشا ٴبىر فيليسوفيالىق تۇجىرىمدارى بار. اكتەرلەردىڭ شىنايى ويىنى ارقىلى كورەرمەندەردى باۋراپ الاتىن بۇل ٴفيلمدى ٴبىز ادامي فيلم، كىسىلىك تۋرالى فيلم، پاتريوتيزم تۋرالى فيلم دەپ ايتۋىمىزعا بولادى، - دەپ ٴوز ويىمەن ٴبولىستى.

فيلم ― ەلدەن جىراق كەتكەن، ٴبىراق ەلىنە كەلىپ، تۋعان جەرىندە مۇمكىندىكتەر، ارتىقشىلىقتار كوبەيگەنىن تۇسىنگەن، وتانىن سۇيگەن ادام تۋرالى. كارتينانىڭ كەيىپكەرى ماقساتقا ەۋروپادا تۇرعان، وقىعان ۇنايدى. ول – ميكروبيولوگ، اۋقىمدى جوبالارمەن اينالىساتىن ٴىرى كومپانيادا قىزمەت ىستەيدى. ماقسات الىستاعى تۋعان جەرىن تەك ٴىس-ساپارلار كەزىندە، ماڭىزدى كەزدەسۋلەر بارىسىندا عانا ۇشاق تەرەزەسىنەن كورگەنگە ۇيرەنىپ كەتكەن. شالعايداعى اۋىلدا تۇراتىن اتاسىنىڭ كەنەتتەن دۇنيە سالۋى – ونىڭ ٴومىرىن ٴبىر-اق ساتتە باسقا ارناعا بۇرادى. ول مۇرا بوپ قالعان ات فەرماسىن، جۇيرىك سايگۇلىكتەردى ساتىپ، اقشاعا اينالدىرۋ ماقساتىندا ەلىنە ورالادى. اۋىلدا ٴجۇرىپ ماقسات قازاقتىڭ ٴسالت-داستۇرىن، ۇلتتىق قۇندىلىق-قاسيەتتەرىن بويىنا ٴسىڭىرىپ وسكەن ارۋجان دەگەن ٴمۇعالىم قىزبەن تانىسادى. ول ەلدەگى جاعدايدىڭ وزگەرگەنىن بايقايدى. ەۋروپالىق كومپانيالار ٴتارىزدى، بۇگىنگى قازاقستاندا دا قاراپايىم ادامدارعا تابىسقا جەتۋ ٴۇشىن، ادال ەڭبەگى ارقاسىندا جاعدايىن جاقسارتۋ ٴۇشىن كوپ مۇمكىندىكتەر جاسالعانىن كورەدى.


«ورالۋ» كوركەم ٴفيلمى 19 ناۋرىزدان باستاپ جالپى پروكاتقا شىعىپ، ەلىمىزدىڭ بارلىق كينوتەاترلارىنان كورسەتىلە باستايدى.

 

ا.راكيشەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي