BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بولاشاعى جارقىن «قازاقفيلم»

استانا. 3 شىلدە. baq.kz – 5 جىلدىڭ ىشىندە «قازاقفيلم» كينوستۋدياسىنان 175 تۋىندى جارىق كوردى. بۇل فيلمدەر 200-دەن اسا كينوفەستيۆالدەرگە قاتىسىپ، الەمنىڭ 50 شاقتى ەلدەرىندە حالىقارالىق كورسەتەلىم جۇرگىزدى دەپ مالىمدەدى tengrinews.kz. 

وتاندىق فيلمدەرىمىزدى مويىندايتىن ەلدەر ٴتىزىمى، جىل سايىن ٴوسىپ كەلەدى. سوڭعى جىلدارى حالىقارالىق دەڭگەيدە ەلەۋلى دەگەن جەڭىستەرىمىزدىڭ ٴبىرى بەرلين كينوفەستيۆالىندە انىقتالدى. ازيزا جامباكيەۆنا ەسىمدى قارىنداسىمىز «ۋروكي گارمونيي» اتتى فيلمىندە «ەڭ ۇزدىك وپەراتورلىق جۇمىس» جۇلدەسىن جەڭىپ الدى. ەمير ٴبايعازيننىڭ بۇل تۋىندىسى سيەتل قالاسىندا (اقش) حالىقارالىق كينوفەستيۆالىندە ەڭ باستى ورىندى يەمدەندى. سول جەردەگى ساراپشىلاردىڭ شەشىمى بويىنشا «ۇزدىك جاس رەجيسسەر» نوميناسياسىن ۇسىندى. ايتا كەتەتىن جايت، سيەتل كينوفەستيۆالى 1974 جىلدان بەرى وتكىزىلىپ كەلەدى جانە اقش-تىڭ 5 ۇزدىك بايقاۋلارىنا كىرەدى.
سوڭعى ينفورماسياعا قۇلاق سالساق، الەمنىڭ ايتۋلى كينوفەستيۆالىنىڭ بىرىندە، پۋسان قالاسىندا ەربول جۇماعۇلوۆتىڭ «كنيگا» اتتى ٴفيلمىنىڭ تۇساۋ كەسۋ ٴراسىمىن وتكىزەدى. بۇل بايقاۋدا ازيانىڭ كوپ سۇرانىس تۋدىرعان فيلمدەرى كورسەتىلمەك.
ەلىمىزدىڭ كينوپروكاتىنا كەلسەك، «قازاقفيلم» كينوستۋدياسىنىڭ ساناعى بويىنشا، 2012 جىلى كينوتەاترلاردا ساتىلعان بيلەت سانى 13،4 ميلليونعا جەتكەن. ەگەر 2008 جىلعى ستاتيستيكامەن سالىستىراتىن بولساق، كورسەتكىش ەكى ەسەگە وسكەن. ال ەلىمىزدىڭ كينوتەاترلارىن ايتساق، 2008 جىلى 77-گە جەتسە، 2012 جىلى 95-كە دەيىن كوبەيە ٴتۇستى. حالىقتىڭ پىكىرىن تىڭداساڭىز، وتاندىق فيلمدەرىمىزدى كورەتىن ادام سانى 2008 جىلى 249 مىڭ شاقتى بولسا، 2012 جىلى بىردەن 1،3 ميلليونعا ٴوستى دەپ ماقتانىشپەن ايتۋعا بولادى.
«قازاقفيلم» كينوستۋدياسى پرەزيدەنتى 2013 جىلى «قازاقفيلم» 10 كارتينا شىعارۋدى جوسپارلاپ وتىر. ونىڭ ىشىنەن قازاق جۇرتى «مەچ پوبەدى»، «ەر توستىك پەن ايداھار»، «لوتورەيا» جانە «پرەپود» سىندى تۋىندىلارىن تاماشالاپ ۇلگەردى. كەلەسى كەزەكتە «جول» اتتى سپورت دراماسىن 2013 جىلدىڭ كۇزىنە دايىنداپ جاتىر.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي