BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بوەۆيك جانرىنداعى وتاندىق فيلم پروكاتقا شىقتى (ۆيدەو)

استانا. 3 مامىر. baq.kz -  1 مامىر كۇنى شىمكەنتتە تۇسىرىلگەن «رەگيون 13» كوركەم ٴفيلمى كورەرمەندەر نازارىنا ۇسىنىلدى. بۇل تولىقمەتراجدى ٴفيلمنىڭ رەجيسسەرى – ومار سۇڭقار.

 كينو جەلىسى وڭتۇستىك قازاقستان وبلىسىندا ٴوربيدى. جەرگىلىكتى قىلمىس الەمىنىڭ سەركەسى باعدات ەسىمدى جىگىت ەسكى دوستارىنىڭ بىرىنەن قالادا دايىندالىپ جاتقان جاپپاي تارتىپسىزدىكتەر مەن قىلمىستار جايىندا ەستيدى. جاعدايدى بىلە تۇرا ٴۇنسىز قالۋدى ٴجون كورمەگەن ول وسىناۋ وقيعالاردىڭ الدىن الماق بولعان. الايدا، بۇل ٴىستىڭ ارتىندا ارنايى قىزمەتتىڭ وكىلدەرى تۇرعان ەدى. قانشاما ادامنىڭ تاعدىرى وزىنە قاراپ تۇرعانىن بىلگەن باعدات قوعامداعى ادىلەتسىزدىكپەن جانە تارتىپسىزدىك جاساماق بولعاندارمەن كۇرەسىپ، ومىردەگى ٴوز جولىنا وزگەرىستەر ەنگىزەدى. ٴفيلمنىڭ ايتارى دا وسى، ياعني، جاقسىلىق ٴاردايىم جاماندىقتى جەڭەدى.

بۇل فيلم جاس رەجيسسەر ومار سۇڭقاردىڭ كينو سالاسىنداعى ەڭ العاشقى تۋىندىسى ەكەن.

«ٴفيلمدى تۇسىرۋگە 2 جىلداي ۋاقىت كەتتى. ٴفيلمنىڭ يدەياسى العاش رەت قىرعىزستانعا ساپار بارىسىندا جۇزەگە استى. ەستەرىڭىزدە بولسا، وسىدان بىرنەشە جىل بۇرىن قىرزىزستانداعى وش قالاسىندا قايعىلى وقيعا ورىن العان بولاتىن. ارىپتەستەرىمىزدىڭ ٴبىرى وقيعاعا تەرگەۋ جۇمىسىن جاساۋ كەزىندە وسى ٴفيلمدى تۇسىرۋگە العاش رەت وي سالعان ەدى. وسىلايشا فيلم قولعا الىنىپ، ويداعىداي شىقتى دەپ ويلايمىن. كورەرمەندەر وڭ باعاسىن بەرەدى دەپ سەنەمىن» دەيدى فيلم رەجيسسەرى ومار سۇڭقار.

باستى رولدەردى ومار سۇڭقار، مەيرامحان سۋنناتيللايەۆ، عاني نۇرجىگىتوۆ، ەۆگەنيا گۋرەنكو، ارمان ەلدەنبايەۆ جانە تاحير يشمەتوۆ سومدايدى. بۇل اكتەرلەردىڭ كينو سالاسىنداعى العاشقى رولدەرى.

باستى كەيىپكەردىڭ سۇيىكتىسىن سومداعان ەۆگەنيا گۋرەنكوۆا بۇل كينوعا اياقاستى كەلگەن.

«مەن العاش بۇل فيلمگە تەك ٴبىر عانا ەپيزودتا كورىنۋىم كەرەك بولعان ەدى. الايدا، كوزىمنەن ٴبىر مۇڭدى اڭعارعان رەجيسسەر مەنى باستى رولدەگى كەيىپكەردىڭ ٴرولىن بەردى. جۇمىسىمنىڭ قيىندىق تۋدىرعان تۇسى – كەيىپكەر ۇنەمى جىلاي بەرەدى. دەگەنمەن، ٴوز ٴرولىمدى جاقسى الىپ شىقتىم دەپ ويلايمىن» دەيدى حورەوگراف ە.گۋرەنكوۆا

 

دانا ساعىنبەكقىزى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي