BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بىشكەك رەجيسسەرى «قىرعىز – قازاق ٴبىر تۋعان» كومەدياسىن تۇسىرمەك

استانا. 30 شىلدە. baq.kz – 2013 جىلدىڭ تامىز ايىندا قىرعىز رەجيسسەرى نۇرلان ٴابدىقادىروۆ «قىرعىز – قازاق ٴبىر تۋعان» تولىق مەتراجدى كومەدياسىن (ورىسشا نۇسقاسى – «توي مارافونى نەمەسە بومبامەن ساياحات») ٴتۇسىرۋدى قولعا الدى. 

جوبانى «قىرعىزفيلم» كينوستۋدياسى «قازاقفيلم» اق-مەن بىرلەسىپ، ٴتۇسىرىپ جاتىر. «ٴفيلمدى ٴتۇسىرۋ تامىزدىڭ باسىندا باستالادى. تاياۋ ارادا قازاقستاننان بىشكەككە تەحنيكالىق جابدىقتار جەتكىزىلەدى. سونىمەن قاتار، باستى رولدەردە وينايتىن قازاق اكتەرلەرى كەلەدى»، - دەيدى ٴابدىقادىروۆ.

ونىڭ ايتۋىنشا، بۇل فيلم قىرعىز بەن قازاق حالىقتارىنىڭ مادەنيەتتەرىن جاقىنداستىرادى، سونداي-اق قىرعىزستانمەن جانە قازاقستانمەن شەكارالاس جاتقان – ۇيعىرلارمەن، تاتارلارمەن، تۇرىكتەرمەن، دۇنگەندەرمەن باۋىرلاستىق قارىم-قاتىناستى كورسەتەدى.

ٴفيلمنىڭ قىسقاشا جەلىسى مىناداي. يحتياندر ەسىمدى الماتى ۋنيۆەرسيتەتىنىڭ ستۋدەنتى تۋعان جەرى ىستىقكولگە ديانا ەسىمدى قالىڭدىق الىپ كەلەدى. جىگىتتىڭ اتا-اناسى مەن جاقىن تۋىستارى الماتىعا قۇدالىققا بەت الادى. قىرعىز قۇدالار شەكارادان زاڭسىز وتپەك بولعاندا قولعا تۇسەدى. شەكاراشىلار وسىنى پايدالانىپ، ولاردى بوپسالايدى. سوڭىندا ۇستالعاندار الماتىعا دەيىن مينا سالىنعان جاشىكتى جەتكىزۋگە كەلىسىپ، شەكاراشىلاردان قۇتىلادى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي