BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل ەلىمىزدە فانتاستيكالىق ٴفيلمنىڭ ٴتۇسىرىلىمى باستالادى

استانا. 12 شىلدە. baq.kz – قىركۇيەك ايىندا قازاقستاننىڭ شىعارماشىلىق ادامدارىنىڭ ومىرىنە ارنالعان فانتاستيكالىق ٴفيلمنىڭ ٴتۇسىرىلىمى باستالادى. 

جوبالىق اتاۋى «وزىڭە جول» دەپ اتالاتىن ٴفيلمنىڭ سسەناريىن پروديۋسەر، ٴارى جازۋشى كارينا سارسەنوۆا دايىنداپ جاتىر. ونىڭ ايتۋى بويىنشا كارتينانى ۋكرايندىق رەجيسسەر ليۋبومير لەۆيسكيي تۇسىرەتىن بولادى.
ٴفيلمنىڭ سيۋجەتى شىعارماشىلىق ادامدار ۇستاپ تۇرعان الەمدە وتەدى. ەگەر ولار اياق استىنان قارا كۇشتەردىڭ جاعىنا اۋىسىپ كەتسە ولاردىڭ الەمدە اقىر زامان ورنايدى. ولار ٴۇشىن كوكتە قۇداي مەن ٴىبىلىس كۇرەس جۇرگىزىپ، جەرگە وزدەرىنىڭ كومەكشى پروديۋسەرلەرىن جىبەرەدى.
كارينا سارسەنوۆا فيلمدەگى باس كەيىپكەرلەردى ٴوزىنىڭ پروديۋسەرلىك ورتالىعىنىڭ شىعارماشىلىق ادامدارى مەن انشىلەرى وينايتىندىعىن ايتتى. ونىڭ ىشىندە روك-انشى اسەم، مەرۋەت ٴمۇسىرالى، «تەنگري» توبى ت.ب. بار. سونىمەن قاتار باستى رولدەرگە رەسەيلىك اكتەرلەر دە شاقىرىلاتىن بولادى. بۇگىنگى كۇنى كوپشىلىگىمىزگە «مەترو» ٴفيلمى ارقىلى تانىمال سۆەتلانا حودچەنكوۆا جانە «بارۆيحا»، «انالار»، «ٴولى قىزدار» كارتينالارىنىڭ جۇلدىزى راۆشانا كۋركوۆامەن الدىن الا كەلىسىم جۇرگىزىلگەن. «ٴبىز بۇل فيلمدە ارتىستەردىڭ جەڭىل اقشا، جۇلدىز اۋرۋى جانە كاسىبي شىعارماشىلىق ٴوسۋ اراسىنداعى تاڭداۋدى قالاي جاسايتىندىعىن كورسەتەمىز. وتە كوپ گرافيكا قولدانىلاتىن بۇل فيلم قازاقستاندىق شىعارماشىلىق ادامدارىنىڭ ومىرىنەن الىنعان ناعىز فانتاستيكالىق كينو بولادى»، - دەيدى سسەناريست.
سونىمەن قاتار جازۋشى الداعى ۋاقىتتا «وزىڭە جول» اتتى سسەنارييدى رەداكسيالاپ جەكە كىتاپ رەتىندە شىعارۋدى جوسپارلاپ وتىر. 

 

اينۇر راكيشەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي