BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«باۋىرجان مومىش ۇلى» تەلەحيكاياسى 17 جەلتوقساندا باستالادى (فوتو)

استانا. 6 جەلتوقسان. baq.kz - اقان ساتايەۆتىڭ الەكساندر بەكتىڭ «ۆولوكولامسك تاس جولى» پوۆەستىنىڭ جەلىسىمەن تۇسىرىلگەن «باۋىرجان مومىش ۇلى» تاريحي تەلەحيكاياسى كوپشىلىك قاۋىمنىڭ نازارىنا 17 جەلتوقسان كۇنى ۇسىنىلادى.

تەلەحيكايادا باتالون كومانديرى رەتىندە ۇرىسقا قوسىلعان باۋىرجان مومىش ۇلىنىڭ العاشقى شايقاسى، ونىڭ مايدانداس دوستارىنىڭ ەكىۇداي كوڭىل-كۇيى، وزىنە دە، وزگەگە دە تالاپشىل كومانديردىڭ جاۋجۇرەك مىنەزى شىنايى كورسەتىلەدى.
باستى ٴرولدى سومداعان م.اۋەزوۆ اتىنداعى اكادەميالىق دراما تەاترىنىڭ اكتەرى ەركەبۇلان دايىروۆ: «ٴتۇسىرىلىم قيىن بولدى دەپ ايتا المايمىن. الايدا باۋىرجان مومىش ۇلى سىندى باتىردى سومداۋ دا وڭايعا تۇسكەن جوق. بۇل ٴرولدى الىپ شىعۋ ٴۇشىن كوپ ىزدەنىپ، كوپ كىتاپ وقۋعا تۋرا كەلدى. باۋىرجان مومىش ۇلىنىڭ ٴرولىن سومداۋ مەن ٴۇشىن مارتەبە. تەلەحيكايا جاستاردىڭ داڭقتى باتىرىمىزدىڭ ەرلىگىن جوعارى باعالاۋعا مۇمكىندىك بەرەدى دەپ سەنەمىن، - دەيدى.
باۋىرجان مومىش ۇلىنىڭ جارى جامالدى سومداعان اسەل ساعاتوۆا: «بۇل ٴرول مەن ٴۇشىن وڭاي بولدى دەپ ايتا المايمىن. باۋىرجان مومىش ۇلىنىڭ جارى قانداي ادام بولعاندىعىن ٴبىلۋ ٴۇشىن كوپ ىزدەنىپ، ونىڭ تۋىستارىمەن كوپ سويلەسۋگە تۋرا كەلدى. ويتكەنى باتىردىڭ وتباسى جايىندا اقپارات وتە از ەكەندىگىن وزدەرىڭىز دە بىلەسىزدەر. وسى جولدا ماعان باۋىرجان مومىش ۇلىنىڭ كەلىنى زەينەپ احمەتوۆانىڭ كىتابى ۇلكەن كومەك بولدى، - دەپ ٴوز ٴرولى جايىندا اسەرلەرىمەن ٴبولىستى.
سونىمەن قاتار تەلەحيكايادا گەنەرال پانفيلوۆتىڭ ٴرولىن ۆيكتور اشانين، لەيتەنانت قاسەنوۆتى سايات يسەمبايەۆ سومدايدى.

 

فوتوسۋرەت: about.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي