BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«باۋىرجان مومىش ۇلى» تەلەفيلمىنىڭ رەسمي ترەيلەرى جارىققا شىقتى

استانا. 28 قاراشا. baq.kz - «حابار» اگەنتتىگىنىڭ يدەياسىمەن تۇسىرىلگەن داڭقتى قولباسشى، كەڭەس وداعىنىڭ باتىرى باۋىرجان مومىش ۇلى تۋرالى تاريحي تەلەفيلمنىڭ رەسمي ترەيلەرى جارىققا شىقتى. 

تەلەفيلم جەلتوقسان ايىنىڭ ون جەتىسىنەن باستاپ «حابار» ارناسىنان كورسەتىلەدى دەپ جوسپارلانۋدا. اتالمىش تەلەفيلم «حابار» اگەنتتىگى مەن رەجيسسەر اقان ساتايەۆتىڭ تاۋەلسىزدىك كۇنىنە تارتقان سىيى بولماق. كۇنى كەشە عالامتور جەلىسىندە جاريالانعان تەلەحيكايانىڭ رەسمي ترەيلەرىنىڭ ٴوزى مىڭنان استام كورسەتىلىم جيناپ ۇلگەردى.

ٴفيلمنىڭ ٴبىرىنشى ماۋسىمىنىڭ سسەنارييىن تيمۋر جاقسىبايەۆ جازدى. وعان الەكساندر بەكتىڭ «ارپالىس» اتتى پوۆەسىنىڭ ٴبىرىنشى ٴبولىمى نەگىز بولعان. فيلمدە باتالون كومانديرى رەتىندە ۇرىسقا قوسىلعان باۋىرجان مومىش ۇلىنىڭ العاشقى شايقاسى، ونىڭ مايدانداس دوستارىنىڭ ەكىۇداي كوڭىل-كۇيى، وزىنە دە، وزگەگە دە تالاپشىل كومانديردىڭ جاۋجۇرەك مىنەزى تۋرالى باياندالادى. باستى ٴرول - م.اۋەزوۆ اتىنداعى اكادەميالىق دراما تەاترىنىڭ اكتەرى ەركەبۇلان دايىروۆقا بۇيىردى. باتىردىڭ جارى جامالدىڭ ٴرولىن اسەل ساعاتوۆا، گەنەرال پانفيلوۆتى ۆيكتور اشانين، لەتەينانت قاسەنوۆتى سايات ەسەمبايەۆ سومدادى.

«بۇل كەز-كەلگەننىڭ باسىنا قونا بەرمەيتىن باق قوي، سول باقتى باعالاي بىلگەن ابزال دەپ ويلايمىن. ماعان سەنىم ارتقان وسى تەلەفيلمنىڭ اۆتورى - «حابار» اگەنتتىگىنە ، اقان اعاعا راحمەت ايتقىم كەلەدى. مەن دە وسى كىسىلەردىڭ سەنىمدەرىن اقتاپ شىعۋعا بارىنشا تىرىستىم. شىنىمدى ايتسام، وسى جولى باۋكەڭنىڭ شىعارماشىلىعىنا، مىنەزىنە قاتتى عاشىق بولدىم. كىمدى ويناپ جاتقانىمدى ٴبىلۋىم كەرەك قوي. سوندىقتان، باۋكەڭدى زەرتتەۋ بارىسىندا قازاقتا وسىنداي ازاماتتىڭ بارىنا قۋاندىم. ٴبىز ونىمەن ماقتانۋىمىز كەرەك. كەيىنگى ٴبىزدىڭ وسكەلەڭ ۇرپاققا ۇلكەن تىلەگىم، قۇلاقتارىنا التىن سىرعا باۋىرجاننىڭ كىم ەكەنىن ٴبىلسىن، تانىسىن. نەگىزى، باۋكەڭنىڭ بويىنداعى تۇنىپ تۇرعان باتىرلىق ٴار قازاقتىڭ جىگىتىنىڭ قانىندا بار. سول جۇرناق بارىندە بار. ەگەر ول بولماسا، وسىنشاما ۇلان-عايىر جەردى كەزىندە ٴبىزدىڭ جىگىتتەر الىپ قالماس ەدى»، -دەيدى باستى ٴرولدى سومداۋشى اكتەر ەركەبۇلان دايىروۆ.
    تەلەفيلم 4 بولىمنەن تۇرادى ٴوندىرۋشى: «حابار» اگەنتتىگى، sataifilm پروديۋسەرى ٴارى رەجيسسەرى: اقان ساتايەۆ قويۋشى وپەراتور: حاسان قىدىراليەۆ سسەناريي اۆتورى: تيمۋر جاقسىلىقوۆ كوستيۋم جونىندەگى سۋرەتشى: اسەل شالابايەۆا رولدەردە: ەركەبۇلان دايىروۆ، ۆيكتور اشانين، اسەل ساعاتوۆا، سايات يسەمبايەۆ، ماقسات ٴسابيتوۆ، باقتيار قوجا 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي