BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«باتىرلار» اتتى ٴمۋلتفيلمنىڭ تۇساۋكەسەرى ٴوتتى (ۆيدەو)

 استانا. 15 قاڭتار. baq.kz – بۇگىن «نۇر وتان» پارتياسىنىڭ قولداۋىمەن «قازاقستان» رترك» اق تاپسىرىسى بويىنشا تۇسىرىلگەن «باتىرلار» اتتى تاريحي-انيماسيالىق ٴمۋلتفيلمنىڭ تۇساۋكەسەرى ٴوتتى، دەپ حابارلايدى baq.kz ٴتىلشىسى.

 «باتىرلار» - تۋعان جەرىن اق نايزانىڭ ۇشىمەن، اق بىلەكتىڭ كۇشىمەن قورعاعان قابانباي، بوگەنباي جانە ناۋرىزباي باتىرلاردىڭ ەرەن ەرلىكتەرى تۋرالى سىر شەرتەتىن تۇڭعىش وتاندىق انيماسيالىق فيلم. كورەرمەن بۇل تۋىندىنى العاش رەت «بالاپان» تەلەارناسىنان كورە الادى.

 

نۇرجان مۇحامەدجانوۆا، «قازاقستان» رترك» اق-نىڭ ٴتورايىمى:


- ۇلتىنىڭ تۇتاستىعىن، جەرىنىڭ بۇتىندىگىن مۇرات ەتكەن قازاق باتىرلارى تۋرالى كوركەم فيلمدەر ٴتۇسىرىلىپ كەلگەن. ال، «باتىرلار» تۋىندىسى وسى تاقىرىپتى كوتەرگەن تۇڭعىش اننيماسيالىق فيلم. اتى اڭىزعا اينالعان ەرجۇرەك باتىرلارىمىزدىڭ ٴبىرى، xviii عاسىرداعى قازاق ەلىنىڭ جوڭعارلارعا قارسى ۇلت-ازاتتىق سوعىسىنداعى كورنەكتى قاھارمان – ناۋرىزباي باتىردىڭ ەل تاعدىرىنداعى تاريحي ورنى مەن ەرلىك جورىقتارىنىڭ ماڭىزىن وسكەلەڭ ۇرپاقتىڭ ساناسىنا ٴسىڭىرۋ ماڭىزدى مىندەت.

 

اينۇر تەمىرحانقىزى، «باتىرلار» ٴمۋلتفيلمىنىڭ پروديۋسەرى:

- بۇل اننيماسيالىق فيلم – xvii – xviii عاسىرلارداعى قازاق-جوڭعار شايقاستارىنىڭ تاريحي وقيعالارىن بەينەلەيدى. نەگىزگى كەيىپكەرلەر – قازاق باتىرلارىنىڭ ەرلىكتەرى مەن باتىر تۇلعالارى ارقىلى قالىڭ كورەرمەندى وتانسۇيگىشتىككە تاربيەلەيدى.


كورەرمەن بۇل تۋىندىنى العاش رەت جاقىن ارادا «بالاپان» تەلەارناسىنان كورە الادى.

 

نۇرسەرىك جولبارىس

 

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي