BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"باستاۋ" باس جۇلدەسى ٴۇشىن 60 فيلم باق سىنايدى

استانا. 17 قازان. baq.kz - قازاننىڭ 16-20 ارالىعىندا وتەتىن "باستاۋ" ستۋدەنتتىك فيلمدەر مەن كينومەكتەپتەردىڭ حالىقارالىق كينوفەستيۆالىنە بيىل الەمنىڭ 20 مەملەكەتىنەن 63 جۇمىس كەلىپ ٴتۇستى.

الداعى بەس كۇندە فەستيۆال اياسىندا كونكۋرستىق جانە كونكۋرستان تىس باعدارلامالاردىڭ فيلمدەرى، الەمدىك كينو شەبەرلەرىنىڭ رەتروسپەكتيۆالارى كورسەتىلەدى. بيىل بايقاۋعا ويىن، ويىنسىز جانە دەرەكتى فيلمدەر قاتىسادى. ال انيماسيالىق فيلمگە ارنالعان جۇلدە ٴوتىنىشتىڭ از كەلىپ تۇسۋىنە بايلانىستى الىپ تاستالىندى. الايدا بايقاۋعا كەلىپ تۇسكەن 3 كارتينا فەستيۆالدىڭ سالتاناتتى اشىلۋ سالتاناتىندا كورسەتىلەتىن بولادى.
بۇل جىلى بايقاۋعا قازاقستان، رەسەي، يزرايل، ينديا، لاتۆيا، فرانسيا، تاجىكستان، تۇركيا، اقش جانە ەستونيا ستۋدەنتتەرىنىڭ جۇمىستارى قاتىسادى. جەڭىمپازعا مىڭ دوللار كولەمىندە اقشالاي سىيلىق تاعايىندالادى.
«باستاۋ» بۇل – قىسقامەتراجدى ٴارتۇرلى جانرلارداعى جۇمىستاردىڭ سايىسى. ۇيىمداستىرۋشىلار: «ستۋدەنتتىك جۇمىستاردا جاڭا ستيل، سيۋجەتتەردىڭ جاڭا تىنىسى جانە ۋاقىتتىڭ جاڭا كورىنىسى پايدا بولادى» دەيدى.
فەستيۆالىنىڭ سالتاناتتى اشىلۋى ٴداستۇر بويىنشا ت.ك. جۇرگەنوۆ اتىنداعى ونەر اكادەمياسىندا وتەدى. ال ماراپاتتاۋ ٴراسىمى مەن جەڭىمپاز كارتينانىڭ كورسەتىلىمى 20 قازان كۇنى «ارمان» كينوورتالىعىندا وتەدى.

 

اينۇر راكيشەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي