BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ازيالىق «وسكار» سىيلىعىنا قازاقستاندىق ەكى فيلم ۇمىتكەر اتاندى (فوتو)

استانا. 21 قاراشا. baq.kz - جىل سايىن وتەتىن asia pacific screen awards سىيلىعىنا ۇمىتكەرلەردىڭ ٴتىزىمى جاريالاندى. بيىل جەتىنشى رەت وتكەلى وتىرعان بايقاۋدىڭ تىزىمىنە قازاقستاندىق «شال» جانە «ۇندەستىك ساباقتارى» فيلمدەرى ەندى، - دەپ حابارلايدى «قازاقفيلم» كينوستۋدياسىنىڭ ٴباسپاسوز قىزمەتى.

ازيالىق «وسكارعا» ەمير ٴبايعازينننىڭ «ۇندەستىك ساباقتارى» «ەڭ ۇزدىك رەجيسسەر»، ال ەرمەك تۇرسىنوۆتىڭ «شال» ٴفيلمى «ەڭ ۇزدىك اكتەر» مەن «ەڭ ۇزدىك وپەراتورلىق جۇمىس» ساناتىندا ۇسىنىلىپ وتىر.
2013 جىلى بەدەلدى سىيلىققا ازيا-تىنىق مۇحيتى ايماعىنىڭ 21 ەلىنەن 39 فيلم ۇمىتكەر اتانعان.

 

           «ەڭ ۇزدىك رەجيسسەر» ساناتى بويىنشا ەمير بايعازيننەن وزگە « ۇلى اكەسىنە تارتقان» فيلمىمەن جاپوندىق حيروكادزۋ كورەەدا، «يلويلو» فيلمىمەن سينگاپۋرلىق ەنتوني چەن، «بالىق پەن مىسىق» فيلمىمەن يراندىق شاحرام موكري جانە «مەنىڭ سۇيىكتى پەپپەرلەندىم» فيلمىمەن حينەر ساليم باق سىناسادى.

          «شال» ٴفيلمىنىڭ قويۋشى-وپەراتورى مۇرات اليەۆپەن بىرگە «ەڭ ۇزدىك وپەراتورلىق جۇمىس» ساناتىندا «ٴ1942-نى ەسكە الا» فيلمىمەن قىتايلىق ليۋي يۋە، «سۇرلەۋ جول» فيلمىمەن اۋستراليالىق مەندي ۋوكەر، «ومار» فيلمىمەن پالەستينالىق ادام باكري جانە «جاڭبىرلى ماۋسىمداعى اتىس» فيلمىمەن رادجيۆ راۆۆي باق سىناسادى.

         «ەڭ ۇزدىك اكتەر» اتاعىنا ەربول توعىزاقوۆپەن بىرگە «جاپون اپاتى» فيلمىندەگى ٴرولى ٴۇشىن تاسۋيا ناكاداي، «ماسكاراد» فيلمىندەگى ٴرولى ٴۇشىن لي بەن حون، «ومار» فيلمىمەن پالەستينالىق ادام باكري جانە «قۇپيا جول» فيلمىمەن اۋستراليالىق اارون پەدەرسەن باق سىناسادى.

 

asia pacific screen awards سىيلىعىنىڭ جەڭىمپازىن حالىقارالىق قۇرامداعى كەلەسى ٴادىل-قازىلار تاڭدايدى: ٴادىل-قازىلار ٴتوراعاسى ينديالىق رەجيسسەر جانە سسەناريست شيام بەنەگال، كورەيالىق رەجيسسەر جانە سسەناريست كيم تحە يون، شۆەيساريالىق رەجيسسەر كريستوف شاۋب، گونكونگتىق پروديۋسەر البەرت لي، تۇركيالىق اكتەر تەمەر لەۆەنت جانە شري-لانكالىق اكتريسا ماليني فونسەكا.
apsa-نىڭ ماراپاتتاۋ ٴراسىمى 2013 جىلدىڭ 12 جەلتوقسانىندا اۋستراليانىڭ كۆينسلەند شتاتىنىڭ بريسبەن قالاسىندا وتەدى.


ماماندار «ازيالىق وسكار» دەپ اتايتىن apsa سىيلىعى اۋستراليا ۇكىمەتىنىڭ باستاماسىمەن، يۋنەسكو جانە حالىقارالىق كينوپروديۋسەرلەر اسسوسياسياسىنىڭ قولادۋىمەن دۇنيەگە كەلگەن


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي