BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتىراۋلىق ٴمۇعالىمنىڭ ٴفيلمى تۇركيادا وتكەن فەستيۆالدە جۇلدەلى بولدى (ۆيدەو)

استانا. 19 شىلدە. baq.kz – اتىراۋدىڭ قازاق-تۇرىك ليسەيىنىڭ حيميا ٴپانىنىڭ ٴمۇعالىمى حاكان كانمازدىڭ «çevirmek» اتتى قىسقامەتراجدى ٴفيلمى تۇركيانىڭ حالىقارالىق ٴتىل مەن مادەنيەت فەستيۆالىندە ٴۇشىنشى ورىن الدى، دەپ حابارلايدى tengrinews.kz. 

تۇرىك فرازەولوگيزمدەرىنە ارنالعان تۋىندىنى ٴمۇعالىم ٴوزىنىڭ وقۋشىلارىمەن تولىقتاي تۇرىك تىلىندە ەكى ايعا جۋىق ۋاقىت تۇسىرگەن. قىسقامەتراجدى ٴفيلمنىڭ باستى رولىندە مەكتەپ وقۋشىسى ازامات توقمىرزيەۆ ويناعان. ازامات توقمىرزيەۆ فەستيۆالدىڭ ٴادىل-قازىلارى فينالعا وتكەن 10 كارتينانىڭ ىشىنەن قازاقستاندىق تۋىندىنىڭ اۆتورلارى جەتكىزگىسى كەلگەن يدەيانى جوعارى باعالاعاندىعىن ايتادى.

________________________________________________________________________________
جىل سايىن ٴوتىپ تۇراتىن تۇركيانىڭ ٴتىلى مەن مادەنيەتىنە ارنالعان فەستيۆال ولەڭ وقۋشىلار، ۆوكاليستەر، سۋرەتشىلەر جانە ٴتىلتانۋشىلار اراسىنداعى بايقاۋدان تۇرادى. ال 2013 جىلدان باستاپ ونىڭ باعدارلاماسىنا العاش رەت ۆيدەوبايقاۋ قوسىلعان. بيىل فەستيۆالگە تۇرىك ٴتىلى وقىتىلاتىن 140 مەملەكەتتىڭ وقۋشىلارى قاتىسقان.  


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي