BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانالىقتار «ەلباسى جولى» ٴفيلمىن تاماشالادى

 استانا. 12 جەلتوقسان. baq.kz – تاۋەلسىزدىك مەرەكەسى قارساڭىندا استاناداعى «قازاقستان» ورتالىق كونسەرت زالىندا ارداگەرلەر مەن مەكتەپ وقۋشىلارى «ەلباسى جولى» كينوەپوپەياسىن كوردى.

«وت وزەن» جانە «تەمىر تاۋ» دەگەن ەكى بولىمنەن تۇراتىن ٴفيلمدى كوپشىلىك قاۋىم 3،5 ساعات بويى تاپجىلماي وتىرىپ كوردى. بۇل كوركەمدىك تۋىندى دا ەگەمەن ەلىمىزدىڭ تۇڭعىش پرەزيدەنتى نۇرسۇلتان نازاربايەۆتىڭ ەڭبەك جولى تولىققاندى كورىنىس تاپقان. مەملەكەت باسىنىڭ ٴرولىن سومداعان دارىندى اكتەر نۇرلان ٴالىمجاننىڭ تالانتى تالايدىڭ تاڭدايىن قاقتىرسا، رۇستەم ابدىراشەۆتىڭ رەجيسسەرلىق شەبەرلىگىنە جۇرت قول سوقتى.

«فيلم وتە ٴساتتى شىققان. وندا ەلباسىنىڭ ۇلت مۇددەسى، تۋعان حالقىنىڭ كەلەشەگى، جارقىن بولاشاعى جولىنداعى ارپالىسى شىنايى بەينەلەنگەن. مەن رەجيسسەرلەر مەن اكتەرلەرعا ريزاشىلىعىمدى بىلدىرگىم كەلەدى. بۇل تىڭ تۋىندى وسكەلەڭ ۇرپاق تاربيەسىنە مول مۇرا»، - دەيدى استانا قالاسى №53 مەكتەپ-ليسەيىنىڭ حميميا-بيولوگيا ٴپانىنىڭ ٴمۇعالىمى اقمارال قامباربەكقىزى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي