BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا «ەلباسى جولى» كوركەم ٴفيلمىنىڭ تۇساۋكەسەرى ٴوتتى

استانا. 1 جەلتوقسان. baq.kz - استانادا «ەلباسى جولى» كينوەپوپەياسىنىڭ «وتتى وزەن» جانە «تەمىر تاۋ» دەپ اتالاتىن ەكى ٴبولىمنىڭ تۇساۋكەسەرى ٴوتتى، - دەپ حابارلايدى 24.kz.

فيلمدە مەملەكەت باسشىسىنىڭ ستۋدەنتتىك جىلدارىنداعى ەڭبەك جولى، مەتاللۋرگتەر قالاسىنا العاش كەلگەن ساتىنەن باستاپ، ۋكرايناعا وقۋعا جىبەرىلگەن كەزەڭى سۋرەتتەلگەن.
ٴفيلمنىڭ سيۋجەتتىك جەلىسى ەلباسىنىڭ «ادىلەتتىڭ اق جولى»، «عاسىرلار توعىسىندا»، «ەۋرازيا جۇرەگىندە» اتتى كىتاپتارىنا سۇيەنە وتىرىپ جازىلعان.
كينوەپوپەيانىڭ «وت وزەن» اتتى ەكىنشى ٴبولىمىنىڭ وقيعالار جەلىسى 1958 جىلداردان باستاۋ العان. ٴدال سول كەزەڭدە نۇرسۇلتان نازاربايەۆ مەتاللۋرگتەر قالاسىنداعى رەسپۋبليكالىق جاستار قۇرىلىسىنا كەلگەن بولاتىن. فيلم باس كەيىپكەر سۇلتاننىڭ كومسومولدىق جولدامامەن تەمىرتاۋداعى ماگنيتكاعا كەلۋىمەن باستالادى. ول كۇرەكپەن جەر اۋدارىپ، مەتاللۋرگيالىق زاۋىتتى سوعۋ جۇمىستارىنا اتسالىستى. كەيىننەن ۋكرايناعا وقۋعا جىبەرىلىپ، ٴبىلىمىن شىنداعاننان كەيىن تەمىرتاۋعا قايتىپ كەلىپ، ەڭبەك جولىن قاراپايىم مەتاللۋرگتەن باستادى. وزەن سەكىلدى اعىپ تۇرعان ىستىق وتتا شويىن بالقىتىپ، پارتيا جۇمىستارىنا بەلسەنە قاتىستى. الدىنداعى قيىندىقتارعا قاراماستان، كورەگەندىگىمەن قۇرداستارىنا قول ۇشىن بەرە بىلگەن تۇلعانىڭ ٴرولىن سومداعان نۇرلان ٴالىمجانوۆ: «- ارينە، مەن پرەزيدەنتتىڭ ٴرولىن ويناعان جوقپىن. ول جەردە ەلباسى ەلىمىزدىڭ پرەزيدەنتى بولعان جوق. ول كەزدە ۇلكەن ارماندا بولاتىن. سول كەزدە مەن ەلباسىنىڭ جىگىتتىك جالىنداعان شاعىن، اتا-اناعا قۇرمەتىن كورسەتۋگە تىرىستىم»، - دەيدى.
ەكى بولىمنەن تۇراتىن ەپوپەيانى شىعارماشىلىق توپ كۇن-تۇن دەمەي ٴبىر جارىم جىل تۇسىرگەن. كوركەم دۇنيەنى جارىققا شىعارۋ ٴۇشىن جالپى سانى 100-دەن استام مامان ەڭبەك ەتكەن.
«ەلباسى جولى» كينوەپوپەياسىنىڭ رەجيسسەرى، رۇستەم ابدىراشەۆ:
«- كينونى تۇسىرۋگە 1،5 جىل جۇمسالدى. ەلباسى ٴومىربايانىنىڭ ىزىمەن ٴجۇرىپ وتىرىپ، 1958-1968 جىلدار ارالىعىن شىعارماشىلىق توپپەن دەمالىسسىز تۇسىردىك»، - دەپ سانى 200 ساعاتتىق ٴتۇسىرىلىمدى 3 ساعاتقا جيناقتاپ، سىيدىرۋ قيىنعا سوققاندىعىن ايتتى.
كوركەم شىعارمادا ەلباسىنىڭ ستۋدەنتتىك شاقتارى، سەنىمدى دوستارى، ٴتىپتى العاشقى ماحابباتى دا كورىنىس تاپقان. ٴفيلمنىڭ تۇسىرىلىمدەرى ماسكەۋ، ۋكراينا، بەلارۋس، لاتۆيا، ەستونيا جەرلەرىندە وتكەن.
ايتا كەتەيىك، «ەلباسى جولى» كينوەپوپەياسىنىڭ العاشقى ٴبولىمى «بالالىق شاعىمنىڭ اسپانى» 2011 جىلى جارىق كورگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي