BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

امەن حايداروۆ «التىن ادام» سىيلىعىن يەلەندى

استانا. 19 جەلتوقسان. baq.kz - امەن حايداروۆ قازاقستاننىڭ انيماسيالىق كينوسىنىڭ دامۋىنا قوسقان ۇلەسى ٴۇشىن «التىن ادام» سىيلىعىن يەلەندى، - دەپ حابارلايدى "قازاقفيلم" كينوستۋدياسىنىڭ ٴباسپاسوز قىزمەتى.

قازاق كسر-نىڭ ەڭبەك سىڭىرگەن قايراتكەرى، قازاق كسر مەملەكەتتىك سىيلىعىنىڭ لاۋرەاتى، تاۋەلسىز «تارلان-2002» سىيلىعىنىڭ لاۋرەاتى، حالىقارالىق مۋلتيپليكاسيالىق كينو قاۋىمداستىعىنىڭ مۇشەسى، رەجيسسەر ٴارى سۋرەتشى بيىل 90 جىلدىعىن اتاپ وتۋدە. ال وتكەن جىلى ەڭ العاشقى قازاق ٴمۋلتفيلمى «قارلىعاشتىڭ قۇيرىعى نەگە ايىر؟» شىققانىنا 45 جىل تولدى. ول امەن حايداروۆتىڭ تۇڭعىش تۋىندىسى ەدى.
«قارلىعاشتىڭ قۇيرىعى نەگە ايىر؟» بۇگىنگى كۇنى الەمنىڭ 48 ەلىندە كورسەتىلگەن. ول العاش رەت لەنينگرادتا وتكەن ٴىىى بۇكىلوداقتىق كينوفەستيۆالدە ماراپاتتالسا، 1975 جىلى نيۋ-يوركتە وتكەن حالىقارالىق كينوفەستيۆالدە قولا پراكسينوسكوپقا يە بولعان.
ايتا كەتەيىك، «جىل ادامى» - «جىل تاڭداۋى» ۇلتىق جوباسى اياسىندا بەرىلەتىن «التىن ادام» سىيلىعى تەگىن بەرىلەدى جانە اقشالاي سىيلىعى جوق. ول تەك قازاقستان حالقىنىڭ الدىندا مارتەبە بەرەدى.
بۇل فەستيۆال قازاقستاننان وزگە قىرعىزستان، وزبەكستان، ۋكراينا جانە بەلورۋسيادا وتەدى.
ٴار جىلدارى بۇل سىيلىقتىڭ يەگەلەرى كامال سمايلوۆ، ەرمەك سەركەبايەۆ، روزا باعلانوۆا، ٴاسانالى ٴاشىموۆ، بيبىگۇل تولەگەنوۆا، ۆلاديمير تولوكوننيكوۆ، تۇڭعىشباي جامانقۇلوۆ، فارحاد ٴابدرايموۆ، ەربولات توعىزاقوۆ، سەرىك اپرىموۆ، ەرمەك تۇرسىنوۆ، اقان ساتايەۆ سىندى تۇلعالار اتانعان.


 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي