BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴاليا مولداعۇلوۆا مەن مانشۇك مامەتوۆا تۋرالى مۋلتفيلم ٴتۇسىرىلدى

استانا. 10 ٴساۋىر. baq.kz – ۇلى جەڭىستىڭ 70 جىلدىق مەرەيتويىنا وراي ەلىمىزدە كەڭەس وداعىنىڭ باتىر قىزدارى ٴاليا مولداعۇلوۆا مەن مانشۇك مامەتوۆا تۋرالى انيماسيالىق فيلم ٴتۇسىرىلدى. بۇل جايىندا قر مادەنيەت جانە سپورت ۆيسە-مينيسترى عالىم احمەدياروۆ مالىمدەدى.

«بۇل – انيماسيالىق فيلم. فيلمدە باتىر قىزدارىمىزدىڭ ەرلىگى مەن وتانى ٴۇشىن قالاي تەر توگىپ، سوعىسقانى كورسەتىلەدى. قازىرگى تاڭدا فيلم وڭدەلىپ جاتىر. اتالعان انيماسيالىق تۋىندىنى قر مادەنيەت جانە سپورت مينيسترلىگىنىڭ مەملەكەتتىك تاپسىرىسى بويىنشا "قازاقفيلم" كينوستۋدياسى جۇزەگە اسىرىپ وتىر» دەدى ول استاناداعى ورتالىق كوممۋنيكاسيالار الاڭىندا وتكەن بريفينگتە.

ايتا كەتەيىك، بۇل مۋلتفيلم كورەرمەندەرگە 9 مامىر كۇنى وتاندىق تەلەارنالاردان كورسەتىلەدى دەپ جوسپرالانۋدا.

سونىمەن قاتار، عالىم العي ۇلىنىڭ ايتۋى بويىنشا 2014 جىلى باستالعان جەڭىستىڭ 70 جىلدىق مەرەيتويىنا ارنالعان «اناعا اپارار جول» اتتى كوركەم فيلم 2015 جىلدىڭ اياعىندا كورەرمەندەر نازارىنا ۇسىنىلادى.

بيىل ۇلى جەڭىستىڭ 70 جىلدىق مەرەيتويى قارساڭىندا اتالعان كينوكارتينالاردان بولەك ەلىمىزدە تاعى ونداعان فيلم تۇسىرىلەدى دەپ جوسپارلانۋدا. ولاردىڭ باسىم كوپشىلىگى قىسقامەتراجدى جانە جەرگىلىكتى تەلەارنالاردىڭ ٴوز كۇشىمەن تۇسىرىلەدى. كينوونىمدەر مامىر ايىنىڭ سوڭىنا دەيىن وتاندىق تەلەارنالاردان كورسەتىلەتىن بولادى.

 

دانا ساعىنبەكقىزى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي