BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"اليسا اينانىڭ ارعى بەتىندە": ساشا كوەن قازاق دالاسىنا تاعى كەلدى (فوتو)

 استانا. 26 مامىر. baq.kz – استانادا 25 مامىر كۇنى «كەرۋەن» ساۋدا ٴۇيىنىڭ «كينوپاركىندە» disney ستۋدياسىنىڭ "اليسا اينانىڭ ارعى بەتىندە" ٴفيلمىنىڭ قازاقشاعا اۋدارىلعان نۇسقاسى كورەرمەنگە جول تارتتى.

بۇل ليۋيس كەرروللدىڭ پسيحولوگياسى ٴھام تۇيسىك مەجەسى وزگەدەن ەرەك كەيىپكەرلەرىنىڭ قىزىقتى وقيعاسى جايلى تۇسىرىلگەن. ٴفيلمنىڭ سسەنارييىن ليندا ۆۋلۆەرتون ليۋيس كەرروللدىڭ ويدان قيىستىرعان كەيىپكەرلەرىن نەگىزگە الىپ جازعان. اليسا ٴوزىنىڭ قيالىنداعى جەراستى الەمىنە قايتىپ كەلىپ، قالپاقشىنى قۇتقارۋ ٴۇشىن وتكەن ومىرىنە ساياحات جاسايدى. كارتينانىڭ رەجيسسەرى دجەيمس بوبين "اليسا عاجايىپتار الەمىندە" فيلمىندە ٴوزىنىڭ ومىرگە دەگەن ەرەكشە كوزقاراسىن كورسەتەدى.
جوبانى "بولاشاق" قاۋىمداستىعى "مەلومان" كومپانياسىنىڭ قولداۋىمەن ۇيىمداستىرىپتى. باس دەمەۋشىلەرى: "bank rbk" اق، "exclusive story" جشس. دۋبلياج وتاندىق كاسىبي «aray media group» ستۋدياسىندا، سوڭعى دۋبلياجداۋ جۇمىستارى لوندونداعى shepperton ستۋدياسىندا جاسالعان.


قازاقشاعا اۋدارىلعان نۇسقانىڭ رەجيسسەرى ايجان ٴجامشىتوۆا، بۇدان بۇرىن ول "دجۋنگلي كىتابى"، "كۇلبيكەش"، "مالەفيسەنتا" فيلمدەرىندە جانە "كولىكتەر" اتتى انيماسيالىق ٴفيلمىنىڭ دۋبلياجىنا قاتىسقان.
ٴفيلمدى دۋبلياجداۋعا قازاق ەلىنەن جيىرما شاقتى اكتەر قاتىسقان. ولار اتالمىش كارتينانىڭ باستى كەيىپكەرلەرىن دىبىستادى: نازەركە سەرىكبولوۆا (اليسا كينگسلي)، نارتاي ساۋدانبەك ۇلى (ۋاقىت)، داۋرەن سەرعازين (قالپاقشى تاررانت حايتوپ)، اينۇر بەرمۇحامبەتوۆا (يراسەبەتا)، ٴساندى قارشالوۆا (ميرانا)، مايرا ومار (حەلەن كينگسلي)، دانيار سۆانقۇلوۆ (حاميش)، بەكبولات قۇرمانعوجايەۆ (ۆيلكينس)، ٴساعادىلدا ۇسىپباليەۆ (زانيك حايتوپ)، بەيبىت قۇسانبايەۆ (ماكتۆيسپ)، قىمبات تىلەۋوۆا (ماليامكين)، شاح-مۇرات وردابايەۆ (تەكيري).
وسى فيلم ارقىلى ميا ۆاسيكوۆسكا، دجونني دەپپ، حەلەنا بونەم كارتەر جانە ەنن حەتەۋەي ٴتۇسىرىلىم الاڭىنا قايتا ورالعان ەكەن. بۇل جەردە ٴبىزدى ەلەڭ ەتكىزگەن تاعى ٴبىر جايت، فيلمگە ساشا بارون كوەن مەن ەندريۋ سكوتت ٴتۇسىپتى. ساشا كوەننىڭ كەزىندە قازاق ەلىن سايقىمازاق ەتىپ، الەم الدىندا كۇلكىگە قالدىرعانى بارشامىزدىڭ ەسىمىزدە. كينو جەلىسىمەن ەلىتىپ وتىرىپ، ەكرانعا كوەنشىعا كەلگەندە بارلىق ادەمى اسەرلەرىڭ مەن ٴوزىڭ قالىقتاپ جۇرگەن قيال الەمىنەن كەنەت اتىپ شىعىپ، اسپاننان جەرگە قۇلاعانداي سەزىمدە بولعانىمىز دا جاسىرىن ەمەس.
"بۇل فيلمدە مەنى ەلىكتىرگەن ٴبىر نارسە: ميرانانىڭ سونشالىقتى ٴمىنسىز ەمەستىگى جايلى يدەيا. ونىڭ بويىندا اپكەسىنە تارتقان قىرسىق مىنەز بار. ٴبىراق ول ونى بارىنشا جاسىرۋعا تىرىسادى"، - دەدى حەتۋەي.


تانىمال بلوگەر، بەلگىلى جۋرناليست بەرىك سۇلتان facebook جەلىسىندەگى پاراقشاسىنا: «ەلىمىزدە قازاق ٴتىلى جاناشىرلارىنىڭ كوشىن باستاپ تۇرعان، سوزدەن ىسكە كوشكەن "بولاشاق" قاۋىمداستىعىنىڭ بۇگىن تاعى ٴبىر شەدەۋىرىن تاماشالاپ قايتتىق. شەتەلدىك كينولاردى قازاقشاعا دۋبلياجداپ، گولليۆۋد تۋىندىلارىن انا تىلىمىزدە كورۋگە جاعداي جاساپ وتىرعان قاۋىمداستىققا قالاي ريزا بولمايسىڭ؟! كينولاردىڭ اۋدارما ساپاسى وتە جوعارى دەڭگەيگە جەتىپ قالىپتى. ٴبىر ٴمىن جوق. تۇپ-تۋرا ٴوزىمىزدىڭ قازاقشا كينو سياقتى. شىنى كەرەك، باتىل جۇرەكتى اليسانىڭ اينانىڭ ارعى بەتىندەگى قيال-عاجايىپ ٴومىرى تۋرالى كينونى بالاقايلارمەن بىرگە راحاتتانىپ كوردىم. بالاقايلار دەپ قويامىن، كينو نەگىزى ەرەسەكتەرگە ارنالعان سياقتى. ۋاقىتىن بوس وتكىزىپ، ٴتيىمدى پايدالانا الماي جۇرگەن كەز-كەلگەن جۇمىر باستى پەندەنىڭ بارىپ كورەتىن كينوسى ەكەن ماعىناسى تەرەڭ ٴارى قىزىق كينولار وتە از عوي. مىناۋ سول از كينولاردىڭ بىرەگەيى. ۇيالماي كورەسىڭ. قازاقشاسىن ماقتانىپ وتىرىپ تاماشالايسىڭ. بۇرىن مۇنداي كينولاردى قازاقشا كورۋ ارمان ەدى. بۇگىندە قولجەتىمدى.
p.s. ايتپاقشى، ۇمىتىپ بارادى ەكەنمىن. ۋا، قازاقتار! كينونىڭ تەك قازاقشاسىن تاماشالايىق. كينوتەاترلاردى قازاقشا سەانستارى بار. بۇل كينو ٴبىز ٴۇشىن اۋدارىلدى. قولداۋ كورسەتەيىك!» دەپ جازادى.

ۇلاربەك دالەي ۇلى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي