BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اكتەر اسىلحان تولەپوۆ جاڭا تەلەحيكاياعا ٴتۇسىپ جاتىر

استانا. 16 شىلدە. baq.kz – «جاۋجۇرەك مىڭ بالا» ٴفيلمى ارقىلى كوپشىلىك قاۋىمعا تانىمال اسىلحان تولەپوۆ «جەل قىزى» ٴفيلمىنىڭ رەجيسسەرى جاسۇلان پوشانوۆتىڭ «سۇڭقار» دەپ اتالاتىن جاڭا تەلەحيكاياسىنا ٴتۇسىپ جاتىر دەپ حابارلايدى brod.kz. 

كىشكەنتاي بالا مەن تۇلپاردىڭ دوستىعىنان قۇرالعان كوپ سەريالى تەلەحيكايانىڭ سسەناريى 2006-2007 جىلدارى شىنايى بولعان وقيعانىڭ جەلىسىمەن جازىلعان.
تەلەحيكايانىڭ باستى كەيىپكەرى ٴبىرجاننىڭ ٴرولىن سومدايتىن اسىلحان: «مەن ٴقازىر جيىرمادامىن، ٴبىراق فيلمدە 9 سىنىپتا وقيتىن 16 جاسار بالانى وينايمىن. ٴوزىڭنىڭ كەيىپكەرىڭنىڭ قالاي ەسەيىپ، وزگەرگەنىن كورۋ قىزىق. ٴفيلمنىڭ سسەناريى بىردەن ۇناعاننان سوڭ فيلمگە تۇسۋگە كەلىسىمىمدى بەردىم» دەيدى.
ال تەلەحيكايانىڭ رەجيسسەرى: «مەن بۇل تۋىندىم ارقىلى بىرەۋگە اقىل ايتقىم كەلمەيدى. مەنىڭ ماقساتىم حالىققا جاقىن، ٴارى تۇسىنىكتى وقيعانى جانجۇرەگىممەن جەتكىزۋ. تەلەحيكايانىڭ سسەناريىن بەرىك سابىرجانوۆ جازىپ جاتىر. ال مەن سونىڭ ىشىنەن ەڭ قىزىقتى ساتتەرىن الىپ تەلەۆيزيالىق فيلم جاساپ جاتىرمىن» دەپ ٴوز ويىمەن ٴبولىستى.
«قازاقستان» ۇلتتىق ارناسىنىڭ تاپسىرىسىمەن ٴتۇسىرىلىپ جاتقان 15 سەريالى تەلەحيكايا تامىزدىڭ سوڭىنا دەيىن اياقتالادى دەپ جوسپارلانىپ وتىر.

 

فوتو: brod.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي