BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«اق باۋىر. وتكەنگە جول» ٴفيلمىنىڭ تۇساۋى كەسىلدى

استانا. 7 قاراشا. baq.kz - جۋىردا نيكولاي توپولنياك پەن وكسانا تيتوۆانىڭ «اق - باۋىر. وتكەنگە جول» اتتى ٴفيلمنىڭ تۇساۋى كەسىلدى، - دەپ حابارلايدى «مادەنيەت» ارناسى.

شىعىس قازاقستان جەرىندە ٴوزىنىڭ جۇمباق سىرىمەن كوپتى تاڭقالدىرعان اق-باۋىر مادەني ەسكەرتكىشى بار. وسكەمەننەن 38 شاقىرىم قاشىقتىقتا ورنالاسقان بۇل قورىم نەوليت داۋىرىندە قالىپتاسقان. وندا كونە داۋىردە سالىنعان پەتروگليفتەر ٴالى كۇنگە دەيىن ايقىن كورىنەدى.
«كوپتەگەن كونە دە ۇلى وركەنيەت جوعالىپ كەتتى. ٴبىراق، ولار وزدەرىنىڭ پاراساتتىلىعىن قالدىرىپ كەتكەن. تەك سول پاراساتتىلىقتى پايداعا جاراتۋىمىز كەرەك»، - دەيدى فيلم اۆتورلارى.
تاريح تەرەڭىنە ۇڭىلگەن ٴوز ولكەلەرىنىڭ جاناشىرلارى ەرلى-زايىپتى نيكولاي توپولنياك پەن وكسانا تيتوۆانىڭ فيلم جەلىسىندەگى كەيبىر وقيعالارمەن بارلىق تاريحشىلار كەلىسە قويمادى. دەگەنمەن، «اق - باۋىر» كەشەنىنىڭ ارحەولوگيالىق قازبالارىنىڭ ساقتالۋ مەرزىمىن ۇزارتقاندارى ٴۇشىن ٴبىر اۋىزدان حالىق العىسىن ايتتى. ويتكەنى اق-باۋىر قورىمىنىڭ مەملەكەت قاراماعىنا ٴوتىپ، قورعاۋعا الىنۋىنا فيلم اۆتورلارىنىڭ سىڭىرگەن ەڭبەگى وراسان.
شقو «اق-باۋىر» ارحيتەكتۋرالىق-ەتنوگرافيالىق مۇراجايىنىڭ مەڭگەرۋشىسى گالينا پەتەنەۆا: "مىندا كورىپ تۇرعاندارىڭىزداي اق-باۋىر ولكەسى، بۇنداعى تابيعاتى وزىندىك ەرەكشە قۇبىلستارمەن ەرەكشەلەنەدى. وسى ولكەگە كەلەتىندەردىڭ كوبىنە-كوبى جالپى ارحەولوگتار، ترايحشىلار، بىلىكتى ماماندار. ولار كەلىپ سىرلى ولكەنىڭ جۇمىستارىمەن اينالىسادى.... اق-باۋىر مەكەنى جايلى ايتا بەرسە قىزىقتى اڭگىمەلەر وتە كوپ"،- دەيدى.
«اق باۋىر. وتكەنگە جول» ٴفيلمىنىڭ فيلوسوفيالىق ٴمانى تەرەڭدە. ادامزاتتىڭ تابيعاتپەن بىتە قايناسقان تىرشىلىگىن سۋرەتتەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي