BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

“ابايلاڭىز، سيىر”-عا ٴتۇسىپ جاتىر

 استانا. 1 قازان. baq.kz - مەملەكەتتىك «دارىن» سىيلىعىنىڭ يەگەرى، 2004 جىلى وتكەن حالىقارالىق «ازيا داۋىسى» بايقاۋىنىڭ باس جۇلدەگەرى، تانىمال انشى-اكتريسا ايگۇل يمانبايەۆا شىعارماشىلىقتاعى سوڭعى جاڭالىقتارىمەن ٴبولىستى.

   ونەر يەسىنىڭ ايتۋىنشا، ول جاقىندا عانا وتاندىق «سۋداعى ٴىز» اتتى كينوسىنىڭ ٴتۇسىرىلىم جۇمىستارىنان بوساعان. كارتينادا باستى رولدەردىڭ ٴبىرىن سومدايتىن ول، وزىنە تاپسىرىلعان ٴرولدى تيىسىنشە الىپ شىعۋعا تىرىسقانىن ايتادى. الايدا، كەيىپكەرىمىز ٴبىراز ۋاقىتتان كەيىن اتالعان تۋىندى جونىندە سىر بولىسەتىنىن بايان ەتتى. ودان باسقا ونەرلى كەلىنشەك ىلە-شارا «ابايلاڭىز، سيىر!» اتتى كومەديالىق فيلمگە ٴتۇسۋدى باستاپ كەتكەنىن تىلگە تيەك ەتتى. ايتا كەتەرلىگى، بۇل – كينونىڭ «جۇمىس اتاۋى»، ياعني ونىڭ ناقتى قالاي اتالاتىنى ٴتۇسىرىلىم جۇمىستارىنىڭ سوڭىنا تامان بەلگىلى بولادى. شىم-شىتىرىققا تولى كارتينادا جاعىمسىز كەيىپكەردى سومدايتىنىن جاسىرماعان ول، ونىڭ ۇلكەن ەكرانعا قاشان شىعاتىنى ٴازىر بەلگىسىز دەپ وتىر.
    ٴوز كەزەگىندە ٴبىز ودان «تانىمال پروديۋسەر ٴسابيت ٴابدىحالىقوۆ «كۇندەستەر» ٴفيلمىن تۇسىرەدى، وندا باستى كەيىپكەرلەردى التىناي جورابايەۆا مەن ايگۇل يمانبايەۆا وينايدى» دەگەن الىپ-قاشپا اڭگىمەنىڭ قانشالىقتى شىندىققا جاناساتىنىن سۇراعانىمىزدا، ونەر يەسى بۇنى راستادى.
- ٴبىراق ونىڭ ٴتۇسىرىلىم جۇمىستارى قاشان باستالاتىنىن ناقتى ايتا المايمىن. ايتەۋىر، «كۇندەستەردىڭ» جارىققا شىعاتىنى انىق، – دەيدى ول.
   وسىلايشا، ٴبىر جىلدا بىرنەشە كينوعا تۇسكەلى وتىرعان ايگۇل اكتريسالىق ونەرىنە قازىرگى تاڭدا باسىمدىق بەرىپ جاتقانىن جەتكىزدى. الايدا، بۇل ونىڭ انشىلىك قىرىن ۇمىت قالدىرعانىن بىلدىرمەسە كەرەك. «جاڭا اندەر جازىپ، سونىڭ ىشىندە قايسىسىنا كليپ تۇسىرەمىز دەپ ماماندارمەن اقىلداسىپ جاتقانىم بار. جەر-جەرگە بارىپ، شىعارماشىلىق كەشىمدى جانە بەرىپ ٴجۇرمىن» دەيدى ا. سەرىكقۇلقىزى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي