BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

حالىقارالىق ۇيىم ارال ٴوڭىرىن دامىتۋعا 3 ملن دوللار بولەدى

فوتو: Бауыржан Жуасбаев

بىرىككەن ۇلتتار ۇيىمىنىڭ دامۋ باعدارلاماسى ارال وڭىرىندەگى الەۋمەتتىك-ەكونوميكالىق جاعدايدى جاقسارتۋعا 3 ملن دوللار بولۋگە نيەتتى. بۇل تۋرالى ارال ٴوڭىرىنىڭ ماسەلەلەرىنە ارنالعان حالىقارالىق سيمپوزيۋمىنىڭ كۋلۋارىندا بۇۇ-نىڭ رەزيدەنت-كوورديناتورى، بۇۇ دامۋ باعدارلاماسىنىڭ قازاقستانداعى تۇراقتى وكىلى نوريماسا شيمومۋرا مالىمدەدى، دەپ حابارلايدى baq.kz ٴتىلشىسى.

«دۇنيەجۇزىلىك بانك جانە حالىقارالىق ارالدى قۇتقارۋ قورى جانە كوپتەگەن ۇيىم اتالعان ماسەلەنى شەشۋگە ٴوز ۇلەستەرىن قوسۋدا. قازىرگى تاڭدا بىرىككەن ۇلتتار ۇيىمىنىڭ دامۋ باعدارلاماسى اتالعان پروبلەمانى شەشۋگە نيەتتى. ٴبىز قىزىلوردالىق ارىپتەستەرىمىزبەن بىرىككەن جوبانى جۇزەگە اسىرماقپىز. قارجىنىڭ كولەمى ۇلكەن ەمەس. ول – 3 ملن دوللار. بۇل ارال ٴوڭىرىنىڭ الەۋمەتتىك-ەكونوميكالىق جاعدايىن كوتەرۋگە باعىتتالعان. وسىلايشا، اتالعان وڭىردەگى دەنساۋلىق سالاسىنداعى ماسەلەلەردى شەشە وتىرىپ، حالىقتىڭ ٴومىر ٴسۇرۋ ساپاسىن كوتەرۋدى كوزدەپ وتىرمىز»، - دەدى نوريماسا شيمومۋرا.

حالىقارالىق ۇيىمنىڭ وكىلدەرى اتالعان جوبانى جۇزەگە اسىرۋ ٴۇشىن قىزىلوردا وبلىسىنىڭ اكىمى قىرىمبەك كوشەربايەۆقا بىرىگىپ جۇمىس ىستەۋ جونىندە ۇسىنىس بىلدىرگەن.

«اتالعان جوبانى وسىدان جارتى جىل بۇرىن قولعا الدىق. ياعني بۇل وڭىردەگى ماسەلەنى شەشۋ ٴۇشىن قىزىلوردا وبلىسى اكىمدىگىنە ٴوز ۇسىنىمىزدى ايتتىق. ٴبىزدىڭ جوبامىز 3 باعىتقا بولىنگەن. بۇل – الەۋمەتتىك، ەكولوگيالىق جانە ەكونوميكالىق سالالارمەن بايلانىستى»، - دەدى بۇۇ دامۋ باعدارلاماسىنىڭ قازاقستانداعى تۇراقتى وكىلى.

وسى ورايدا، نوريماسا شيمومۋرا اتالعان جوبا ارال وڭىرىندەگى قانداي ماسەلەلەردى شەشۋگە باعىتتالعانىن ايتىپ ٴوتتى.

«ەكولوگيالىق سالاعا قاتىستى ماسەلەگە توقتالايىن. ارال وڭىرىندەگى تۇرعىندار بۇرىن بالىق شارۋاشىلىعىمەن اينالىستى. ٴبىراق قازىرگى تاڭدا ولار بۇل سالادا جۇمىس ىستەي المايدى. سەبەبى، ارال تەڭىزىنىڭ كەۋىپ كەتۋى سالدارىنان بۇل كاسىپ قۇلدىراۋعا ۇشىرادى. وسى ورايدا ٴبىزدىڭ ماقساتىمىز وڭىردەگى تۇرعىندارعا اقشا تابۋدىڭ التەرناتيۆتى جولدارىن ىزدەۋگە كومەكتەسۋ. ٴبىز ميكروقارجىلاندىرۋدىڭ مەحانيزمدەرىن پىسىقتاماقپىز نەمەسە سۋدى دۇرىس پايدالانۋدىڭ جولدارىن كورسەتپەكپىز. بۇل جۇمىستار ارال وڭىرىندەگى جاعدايدى جاقسارتۋعا سەپتىگىن تيگىزەدى دەگەن سەنىمدەمىز»، - دەپ تۇيىندەدى ٴسوزىن ول.

سونىمەن قاتار، قىزىلوردا وبلىسىنىڭ اكىمى قىرىمبەك كوشەربايەۆ بيىل ارال اۋدانىنا قوماقتى قاراجات بولىنەتىنىن جەتكىزدى.

«جاقىندا وبلىس اكىمدىگى ارال اۋدانىنىڭ الەۋمەتتىك-ەكونوميكالىق جول كارتاسىنا 114 ملن تەڭگە بولەدى»، - دەدى وبلىس اكىمى جۋرناليستەرگە استانادا ٴوتىپ جاتقان حالىقارالىق سيمپوزيۋم كۋلۋارىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي