BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىزىلوردالىق كاسىپورىن شىنى پلاستيكالىق قۇبىر ٴوندىرۋدى قولعا الدى

تاۋەلسىزدىك كۇنى قارساڭىندا قىزىلوردا قالاسىندا «نەفتپرومسناب» جشس-نىڭ شىنى پلاستيكالىق قۇبىر ٴوندىرۋ زاۋىتى ىسكە قوسىلدى، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

«نەفتپرومسناب» سەرىكتەستىگى وبلىس كولەمىندە 2013 جىلدان باستاپ جۇمىس ىستەيدى. مۇناي كومپانيالارىن الىس جانە جاقىن شەتەلدەردەن جەتكىزىلگەن شىنى پلاستيكالىق قۇبىرلارمەن قامتاماسىز ەتىپ كەلەدى. سەرىكتەستىك وسى جىلى ٴوز قىزمەتىن وندىرىسكە باعىتتاپ، مۇناي سالاسىنا ارنالعان جوعارى قىسىمدى شىنى پلاستيكالىق قۇبىرلاردى ٴوندىرۋدى قولعا الدى.

«بۇل جوبانى ىسكە اسىرۋ ٴۇشىن مەملەكەتتىك قولداۋ شاراسى رەتىندە «بيزنەستىڭ جول كارتاسى – 2020» باعدارلاماسى ارقىلى جەڭىلدەتىلگەن نەسيە الدىق. وندىرىستىك پروسەسس سوڭعى ۇلگىدەگى اۆتوماتتى قۇرىلعىمەن جابدىقتالعان، وندىرىلەتىن ونىمدەر وتاندىق جانە حالىقارالىق ستاندارت تالاپتارىنا تولىق ساي كەلەدى. كاسىپورىننىڭ جىلىنا 120-130 مىڭ مەتر قۇبىر شىعارۋعا قۋاتى بار. كاسىپورىندا 20-دان استام جاڭا جۇمىس ورنى اشىلادى»، - دەيدى سەرىكتەستىك ديرەكتورى قازبەك قۋانىشبايەۆ.

شىنى پلاستيكالىق قۇبىرلاردىڭ ٴبىرقاتار ارتىقشىلىعى بار: كەمىندە 50 جىل قولدانىلادى، باعاسى باسقا ماتەريالداردان جاسالعان قۇبىرلارعا قاراعاندا 30-50% تومەن. مۇنان وزگە، شىنى پلاستيكالىق قۇبىرلار كورروزياعا ٴتوزىمدى، ەلەكتروحيميالىق كورروزيادان قورعاۋدىڭ قاجەتتىلىگى جوق، مونتاج جۇمىستارىن جىل بويى جۇرگىزە بەرۋگە بولادى.

قىزىلوردا وبلىسى كاسىپكەرلەر پالاتاسى جوبالاردى سۇيەمەلدەۋ ٴبولىمىنىڭ باسشىسى گاۋحار ەلەۋسىنوۆانىڭ ايتۋىنشا، بۇعان دەيىن مۇنداي ٴوندىرىس قازاقستان بويىنشا ماڭعىستاۋ وبلىسىندا عانا بولعان.

«سەرىكتەستىك بۇرىن مۇناي كومپانيالارىنا قۇبىردى سىرتتان تاسىمالداپ كەلسە، ەندى ٴوزى وندىرە باستادى. زاۋىتتى ىسكە قوسۋ بارىسىندا كاسىپكەرگە ٴبىزدىڭ پالاتا ەرەكشە قولداۋ كورسەتتى. بيزنەس-جوسپارىن ازىرلەپ، بانكتەن قاراجات الۋعا دا كومەكتەستىك»، – دەيدى گ.ەلەۋسىنوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي