BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ارالدى قۇتقارۋ جوباسىنىڭ ەكىنشى كەزەڭىن ىسكە اسىرۋ باستالادى

بيىل قىزىلوردا وبلىسىندا "سىرداريا وزەنىنىڭ ارناسىن رەتتەۋ جانە ارال تەڭىزىنىڭ سولتۇستىك بولىگىن ساقتاۋ" (ساراتس) جوباسىنىڭ العاشقى 4 بولىگى ىسكە اسىرىلادى. بۇل تۋرالى وبلىس اكىمى قىرىمبەك كوشەربايەۆ قر پرەمەر-مينيسترى باقىتجان ساعىنتايەۆتىڭ قاتىسۋىمەن ارال اۋدانىندا وتكەن جيىن بارىسىندا مالىمدەدى، دەپ حابارلايدى baq.kz اقپارات اگەنتتىگى.

جوبانىڭ ٴبىرىنشى كەزەڭىن ىسكە اسىرۋ تەڭىز بەن ارال قالاسىنىڭ اراسىن 100 شاقىرىمنان 17 شاقىرىمعا دەيىن قىسقارتۋعا، بۇرىن جوعالىپ كەتكەن بالىقتىڭ 22 ٴتۇرىنىڭ تەڭىزگە قايتا ورالۋىنا مۇمكىندىك بەردى. بيىل "ساراتس" جوباسىنىڭ ەكىنشى كەزەڭىن جۇزەگە اسىرۋ جۇمىسى باستالادى.

"حالىقتىڭ قاۋىپسىزدىگىن قامتاماسىز ەتۋ ماقساتىندا بيىل رەسپۋبليكالىق بيۋدجەت ەسەبىنەن «ساراتس-2» جوباسىنىڭ 4 بولىگىن جۇزەگە اسىرۋدى باستادىق. ولار – قىزىلوردا سۋ تورابىنا كەشەندى جوندەۋ جۇرگىزۋ، قورعانىس بوگەتتەرىن نىعايتۋ، وزەن ارناسىن تۇزەتۋ جانە قازالى اۋدانى بىرلىك ەلدى مەكەنىنىڭ تۇسىنان كوپىر سالۋ»،- دەيدى وبلىس اكىمى قىرىمبەك كوشەربايەۆ.

وبلىس اكىمى ەلباسىنىڭ تاپسىرماسىن ۋاقتىلى ورىنداۋ ماقساتىندا جوبانىڭ قالعان 4 بولىگىن ىسكە اسىرۋدى جەدەلدەتۋدى ۇسىندى.

ايتا كەتەيىك، ەلباسىنىڭ باستاماسى بويىنشا 1993 جىلى 26 ناۋرىزدا قۇرىلعان حالىقارالىق ارالدى قۇتقارۋ قورى 2018 جىلى ٴوزىنىڭ 25 جىلدىعىن اتاپ وتۋدە. قوردىڭ قۇرىلعان كۇنى - 26 ناۋرىزدى - "ارال تەڭىزى" كۇنى دەپ اتاپ ٴوتۋ تۋرالى شەشىم قابىلداندى.

"مەملەكەت باسشىسىنىڭ جاسامپاز باستامالارىن جالعاستىرۋ ماقساتىندا وتكەن جىلى قىزىلوردادا تۇراقتى دامۋ حالىقارالىق فورۋمى ٴوتتى. فورۋمدا 26 ناۋرىز – «ارال تەڭىزى» كۇنى بولىپ جاريالاندى. بىرنەشە كۇن بۇرىن وبلىستا تەڭىزدى قۇتقارۋ ىسىنە وزىندىك ۇلەسىن قوسقان ەكولوگ-عالىمدار، مەملەكەت جانە قوعام قايراتكەرلەرىنىڭ قاتىسۋىمەن مەرەكەلىك شارالار ٴوتتى. ەلباسىنىڭ حالىق اراسىندا "عاسىر جوباسى" اتالعان ساراتس جوباسىن جۇزەگە اسىرۋ تۋرالى دەر كەزىندە قابىلداعان تاريحي شەشىمىنىڭ ناتيجەسىندە ارال تەڭىزىنىڭ سولتۇستىك بولىگى ساقتالىپ، جەرگىلىكتى حالىقتىڭ ٴومىرى جاقساردى" – دەدى ايماق باسشىسى.

2003 جىلى تەڭىز بەن قالانىڭ ارالىعى 70 شاقىرىم بولسا، ٴقازىر بۇل قاشىقتىق 17 شاقىرىمعا دەيىن ازايدى. 15 جىلدا ارال اۋدانىندا بالىق اۋلاۋ كولەمى 83 ەسەگە ارتتى، ەگەر 2003 جىلى 83 توننا بالىق اۋلانسا، 2017 جىلى 6 934 توننا سۋ مارجانى اۋلاندى. بۇرىن 7 عانا بالىق ٴتۇرى بولسا، وتكەن جىلى ولاردىڭ سانى 22-گە كوبەيدى. قازىرگى كەزدە وبلىستا 8 جۇمىس ىستەپ تۇر، ونىڭ ٴ4-ۋى سوڭعى 5 جىلدا سالىنعان.

ارالدىڭ جاندانۋى اۋداننىڭ الەۋمەتتىك-ەكونوميكالىق دامۋىنا وڭ اسەرىن تيگىزدى. ونەركاسىپتىك كاسىپورىن سانى ۇشەۋدەن جەتىگە كوبەيدى. 2003 جىلى جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى 874 بولسا، 2017 جىلى ولاردىڭ قاتارى 3266 بىرلىككە ارتتى. 2003-2017 جىلى پايدالانۋعا بەرىلگەن تۇرعىن ۇيلەر سانى 2 ەسەگە (9،1 مىڭ ش.مەتردەن 19،2 ش.مەترگە) ٴوستى.

الەۋمەتتىك نىساندار - مەكتەپ، اۋرۋحانالاردىڭ سانى دا ارتتى. 15 جىلدا ارال اۋدانىندا 29 مەديسينالىق مەكەمە جانە 31 مەكتەپ سالىنعان. 2003 جىلى 7 بالاباقشا بولسا، ٴقازىر 52 بوبەكجاي جۇمىس ىستەيدى. قازىرگى كەزدە ارال اۋدانىندا 78 مىڭ ادام تۇرىپ جاتىر.

ەستەرىڭىزگە سالا كەتسەك، بۇگىن قىزىلوردا وبلىسىنا ىس-ساپارمەن قازاقستان رەسپۋبليكاسىنىڭ پرەمەر-مينيسترى باقىتجان ساعىنتايەۆ باستاعان ۇكىمەتتىك دەلەگاسيا كەلدى. قۇرامىندا قر قر پرەمەر-مينيسترى كەڭسەسىنىڭ باسشىسى، ينۆەستيسيا جانە دامۋ، ۇلتتىق ەكونوميكا، اقپارات جانە كوممۋنيكاسيا مينيسترلەرى، سونداي-اق، ورتالىق مەملەكەتتىك ورگاندار، ۇلتتىق كومپانيا جانە دامۋ ينستيتۋتتارىنىڭ باسشىلارى بار.

ساپار بارىسىندا باقىتجان ساعىنتايەۆ جانە دەلەگاسيا وكىلدەرى وبلىس اكتيۆى جانە كاسىپكەرلەرى، سونىمەن بىرگە الەۋمەتتىك سالا قىزمەتكەرلەرىمەن كەزدەستى. "قاراوزەك" گازكومپرەسسورلى ستانساسىندا بولىپ، ارال اۋدانىنداعى "ارالتۇز" اق جانە بالىق وڭدەۋ زاۋىتتارىنىڭ جۇمىسىمەن تانىستى. وسىندا قوعام وكىلدەرىمەن كەزدەسۋ ٴوتىپ، سولتۇستىك ارال جوباسىن ىسكە اسىرۋ، سۋارمالى جەرلەر جانە قر پرەزيدەنتىنىڭ 5 الەۋمەتتىك باستاماسىن جۇزەگە اسىرۋ اياسىندا شاعىن نەسيە بەرۋگە بايلانىستى ساۋالداردى تالقىلادى. سونىمەن قاتار، بايقوڭىر قالاسى جانە عارىش كەشەنىنىڭ جۇمىسىمەن تانىسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي