BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتاندىق تاۋار وندىرۋشىلەر اراسىندا ونىمگە ٴبىرىڭعاي لوگوتيپ ٴتۇسىرۋ تۋرالى مەموراندۋمعا قول قويىلدى

استانا. 2 شىلدە. baq.kz – بۇگىن استانادا وتكەن «قازاقستاندا جاسالعان» وتاندىق تاۋار وندىرۋشىلەردىڭ كورمەسى بارىسىندا جەرگىلىكتى قامتۋدى دامىتۋدىڭ ۇلتتىق اگەنتتىگى «nadloc» اق جانە وتاندىق تاۋار وندىرۋشىلەرى اراسىندا ونىمگە ٴبىرىڭعاي لوگوتيپ ٴتۇسىرۋ تۋرالى 20 مەموراندۋمعا قول قويىلدى.

جەرگىلىكتى قامتۋدى دامىتۋدىڭ ۇلتتىق اگەنتتىگى «nadloc» اق باسقارما ٴتوراعاسى قايرات بەكتۇرگەنوۆ:
- ەلباسىنىڭ باستاماسىمەن ەلىمىزدە «قازاقستاندا جاسالعان» ناۋقانى وتۋدە. وسى ناۋقان اياسىندا «قازاقستاندا جاسالعان» دەگەن ٴبىرىڭعاي تاڭبا جاسالدى. قازىرگى ۋاقىتتا 20-دان استام وتاندىق تاۋار وندىرۋشىلەر اراسىندا ونىمگە ٴبىرىڭعاي لوگوتيپ ٴتۇسىرۋ تۋرالى مەموراندۋمعا قول قويدىق. اتالمىش تاڭبا دايىن ونىمگە تۇسىرىلەتىن بولادى. ياعني ول قازاقستاندا جاسالىپ شىعارىلعان تاۋارلاردى حالىق اراسىندا كەڭىنەن تارالۋىنا ۇلكەن ۇلەسىن قوسادى، - دەدى.

ايتا كەتەيىك، بۇگىن وتكەن «قازاقستاندا جاسالعان» كورمەگە ەلىمىزدىڭ بارلىق وڭىرلەرىنەن 80-نەن استام كومپانيالار ٴوز ونىمدەرىن ۇسىندى. وتاندىق تاۋارلار مەن كاسىپورىندار تۋرالى اقپاراتتى حالىققا كەڭىنەن تاراتۋعا باعىتتالعان كورمەگە ازىق-تۇلىك ونىمدەرىنىڭ ەرەكشە تۇرلەرىنەن باستاپ تۇيمە، اياق-كيىم، تۇرمىستىق جۋۋ قۇرالدارى، انتيفريز، دوڭگەلەك جۇپتارى جانە تەمىر جولعا ارنالعان بۇرۋ قۇرالدارىنا دەيىن قويىلدى.

 

ا.راكيشەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي