BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"قازاقستاندىق ٴونىمدى تاڭدايمىز" جاستار فلەشموبى ٴوتتى (فوتو)

 استانا. 14 مامىر. baq.kz – كەشە «حان شاتىر» سوو عيماراتىندا وتاندىق تاۋارلاردى جانە "قازاقستاندا جاسالعان - سدەلانو ۆ كازاحستانە" ناۋقانىن قولداۋعا باعىتتالعان "قازاقستاندىق ٴونىمدى تاڭدايمىز" جاستار فلەشموبى بولىپ ٴوتتى.

 فلەشموبقا قاتىسۋشىلار، جاستار رەسۋرستىق ورتالىعىنىڭ 50-دەن استام بەلسەندىلەرى "قازاقستاندا جاسالعان - سدەلانو ۆ كازاحستانە" ٴبىرىڭعاي لوگوتيپ بەينەلەنگەن ارنايى فۋتبولكالار مەن باس كيىمدەرىن كيدى. سونداي-اق فۋتبولكالاردا ۇيىمداستىرۋشى "nadloc" اق (قر يدم) لوگوتيپى بەينەلەنگەن.
قازاقستاندىق ورىنداۋشىلاردىڭ قازىرگى زامانعا ساي اندەرىنە قاتىسۋشىلار جاپپاي بي شوۋىن ۇيىمداستىردى. "جاسا قازاقستان" (قايرات نۇرتاس)، بيلە (ٴالي وقاپوۆ)، عاشىقسىڭ با (وردا)، مەن قازاقپىن (ەربولات) اندەرى شارقالدى.
فلەشموب اياقتالعان سوڭ جينالعانداردىڭ الدىندا جەرگىلىكتى پوپ-توپ "brotherhood" جاندى داۋىسپەن ٴان ايتتى.
ناۋقاننىڭ ماقساتى حالىق نازارىن وتاندىق تاۋاروندىرۋشىلەردى جان-جاقتى قولداۋ تاقىرىبىنا اۋدارتۋ جانە جاستاردىڭ وسى شارالارعا قاتىسۋ تالپىنىسىن كورسەتۋ بولىپ تابىلادى.
ەسكە سالا كەتەيىك، 2015 ج. 11 اقپان كۇنى مەملەكەت باسشىسى "قازاقستاندا جاسالعان - سدەلانو ۆ كازاحستانە" اتتى قازاقستاندىق وندىرۋشىلەردى قولداۋعا باعىتتالعان رەسپۋبليكالىق ناۋقاندى ىسكە قوسقان بولاتىن.

«جاس ۇرپاق – بۇل ەلىمىزدىڭ بولاشاعى ەكەنى بارىمىزگە ايان. كەز-كەلگەن ەلدىڭ دامۋى مەن وركەندەۋى اينالاداعى بولىپ جاتقان بارلىق ٴتيىمدى ۇدەرىستەرگە قاتىسۋمەن تىكەلەي بايلانىستى، جانە دە ونى جاستاردىڭ ٴوزى ٴتۇسىنۋى وتە ماڭىزدى. بۇگىنگى وتكىزىلىپ وتىرعان ٴىس-شارا جاستاردىڭ قازاقستاندىق وندىرۋشىلەردى قولدايتىنىن جانە تەك سوزبەن عانا ەمەس، ناقتى ارەكەتتەرمەن قولدايتىنىن تاعى دا دالەلدەپ وتىر. تاريحىمىز وتان سۇيگىشتىگىمىزدىڭ ۇلكەن اسۋلارعا قول جەتكىزۋ ٴۇشىن باسىمىزدى ٴبىر جەرگە بىرىكتىرگەنىنە كوپتەپ مىسال كەلتىرە الادى. ويتكەنى، تەك بىرىگە وتىرىپ، جانە جاس ۇرپاقتىڭ قاتىسۋىمەن عانا رەسپۋبليكالىق اۋقىمداعى تابىستارعا قول جەتكىزۋگە بولادى. ٴبىز قازاقستاندىقتارعا وتاندىق ٴونىمدى تاڭداي وتىرىپ، ٴارقايسىسىمىز ەلىمىزدىڭ دامۋىنا سالماقتى ۇلەس قوسىپ وتىرعانىمىزدى جەتكىزۋىمىز كەرەك. سىزدەر "قازاقستاندا جاسالعان - سدەلانو ۆ كازاحستانە" ناۋقانىن حالىقتىڭ قالايشا ىستىق ىقىلاسپەن قابىل العانىن كورىپ وتىرسىزدار. جۇزدەگەن مىڭ وتانداستارىمىز ونى قولدادى. ينتەرنەت جانە الەۋمەتتىك جەلىلەر قازاقستاندىق تاۋارلاردى تاڭداۋ تيىمدىلىگى تۋرالى پىكىرلەرگە تولى. بۇقارالىق اقپارات قۇرالدارىنىڭ وكىلدەرىنە جەكە العىسىمىزدى بىلدىرەمىز. ٴتورتىنشى بيلىك وكىلدەرى دە وسى ناۋقاندى بەلسەندى قولدادى. ساۋدا ورتالىقتارىندا، جارناما ماڭدايشالارىندا جانە ٴتىپتى جاستاردىڭ فۋتبولكالارىندا كورە الاتىن ٴبىرىڭعاي لوگوتيپ كەڭ تارالىپ كەلەدى. سوڭعى مالىمەتتەر بويىنشا، ٴبىرىڭعاي لوگوتيپتىڭ ٴوزى بۇكىل رەسپۋبليكا بويىنشا 18 مىڭ ساۋدا نۇكتەلەرىندە ورناتىلعان، بۇل ەلىمىزدە وندىرىلەتىن تاۋارلار تۋرالى اقپارات الۋ، ساتىپ الۋشىلاردىڭ نازارىن اۋدارتۋ مۇمكىندىگىن ارتتىرادى»، - دەپ اتاپ ٴوتتى «جەرگىلىكتى قامتۋدى دامىتۋدىڭ ۇلتتىق اگەنتتىگى «nadloc» اق باسقارۋشى ديرەكتورى ارستانوۆ ٴادىلحان.

بۇل ٴىس-شارانى قر يدم «جەرگىلىكتى قامتۋدى دامىتۋدىڭ ۇلتتىق اگەنتتىگى «nadloc» اق استانا ق. اكىمدىگىنىڭ جاستار ساياساتى باسقارماسىمەن بىرلەسىپ ۇيىمداستىردى. "حان شاتىر" سوو جانە "rg brands" جشس قولداۋىمەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي