BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ىرىمشىك پەن سۇزبە ەكسپورتى 4،6 ەسەگە ارتتى

استانا. 1 ماۋسىم. baq.kz – سوڭعى ٴۇش ايدا ەلىمىزدە 2014 جىلدىڭ سايكەس كەزەڭىمەن سالىستىرعاندا ەت پەن ەت ونىمدەرىنىڭ ەكسپورتى 2،5 ەسەگە، ىرىمشىك پەن سۇزبەنىڭ ەكسپورتى 4،6 ەسەگە ارتتى.

بۇل جايىندا بۇگىن قر اۋىل شارۋاشىلىعى ٴمينيسترى اسىلجان مامىتبەكوۆ وكق بريفينگىندە مالىمدەدى.
- 2014 جىلى مۇزداتىلعان سيىر ەتىنىڭ ەكسپورتى 2013 جىلمەن سالىستىرعاندا 6 ەسەگە، ياعني 615 تونناعا ارتتى. ال 2012 جىلى سيىر ەتىنىڭ ەكسپورتى مۇلدەم جوق بولعان ەدى. يمپورتتىڭ تومەندەۋى 42،3 پايىزدى قۇرادى. 2013 جىلى يمپورت 24 مىڭ توننا بولسا، 2014 جىلى 16،8 مىڭ توننانى قۇراعان بولاتىن. 2015 جىلدىڭ سوڭعى ٴۇش ايىنىن كورسەتكىشى بويىنشا بىزدە ەت پەن ەت ونىمدەرىنىڭ ەكسپورتى 2014 جىلمەن سالىستىرعاندا 2،5 ەسەگە، ىرىمشىك پەن سۇزبەنىڭ ەكسپورتى 4،6 ەسەگە ارتىپ وتىر، - دەدى مينيستر.

بۇل ٴۇردىس ٴارى قاراتاي دا ساقتالاتىندىعىنا سەنىم بىلدىرگەن ا.مامىتبەكوۆ:
- وعان بىرىنشىدەن وسى سالا بويىنشا جۇزەگە اسىپ جاتقان باعدارلامالار، مەملەكەتتىك قولداۋدىڭ ارتۋى ۇلكەن اسەر ەتەدى. سوڭعى جىلدارى ٴبىز وسىمدىك شارۋاشىلىعى مەن مال شارۋاشىلىعىنىڭ سۋبسيدياسى اراسىنداعى تەڭسىزدىكتى جويىپ، قازىرگى ۋاقىتتا ەكى باعىتتا بىردەي دامۋدا، - دەپ اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي