BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلوردالىق «ستەكلياننىي دوم» 12 مىڭ شارشى مەترگە دەيىن ٴونىم شىعارادى (فوتو)

استانا. 22 شىلدە. baq.kz – ەلوردالىق ٴتۇرلى ٴونىم شىعاراتىن «ستەكلياننىي دوم» زاۋىتى 2013 جىلدىڭ جەلتوقسانىندا ەسىگىن اشتى. زاۋىتتىڭ سىرت كەلبەتى اتىنا ساي. كاسىپورىن قالقالار، دۋش كابينالارىن، ەسىكتەر جاساۋعا ماماندانعان، سونداي-اق ولار شىنىلار مەن اينالاردى وڭدەپ، كوركەم تاڭبالار سالادى. «ستەكلياننىي دوم» عيمارات ينتەرەرىندە، كەڭسەلەر مەن دۇكەندەردە پايدالانىلاتىن شىنى ونىمدەر جاساۋمەن اينالىسادى.

 

الەكساندر گاۆريلوۆ، «ستەكلياننىي دوم» جشس ديرەكتورى:

- ٴبىز كونسترۋكسيالار دا جاسايمىز: باسپالداقتار، بالكوندار، قورشاۋلار، جاقتاۋلار. وق وتپەيتىن شىنىلار دا شىعارامىز.

زاۋىت جابدىقتارى نەگىزىنەن قىتاي مەن رەسەيدەن اكەلىندى، ەۋروپادان جەتكىزىلگەن بىرنەشەۋى بار. كومپانيا شىنىنى ەمالداۋعا، شىنىقتىرۋعا ارنالعان قۇرىلعىلار الۋدى جوسپارلاپ وتىر، بۇل ٴونىم تۇرلەرى مەن تاپسىرىستاردى ەكى ەسەگە ارتتىرۋعا مۇمكىندىك بەرەدى.

قازىرگى تاڭدا زاۋىتتا 40 ادام جۇمىس ىستەيدى. ەلىمىزدە ٴوندىرىستىڭ وسى سالاسىندا مامانداردىڭ از بولۋىنا وراي مامانداردىڭ كوپ بولىگى جۇمىس بارىسىندا تاجىريبەدەن ٴوتىپ، وقىپ جۇرگەن جاستار بولىپ تابىلادى.

زاۋىتتىڭ جىلدىق ٴونىمى 30 ملن تەڭگەنى قۇرايدى، ياعني 12 مىڭ شارشى مەتر شىنى ٴونىمى. الايدا، زاۋىت باسشىلىعى ٴۇش جىلدىڭ ىشىندە ٴوندىرىستى 50% ارتتىرۋدى كوزدەپ وتىر.

بۇگىندە زاۋىت ونىمدەرى استانادا عانا ەمەس، بارشا قازاقستاندا پايدالانىلادى. ەلوردالىق «ازيا پارك» سوو، «كەرۋەن» سوو، «مەگا» سوو، «الاۋ» مس سەكىلدى عيماراتتاردىڭ شىنى ينتەرەرلەرىن «ستەكلياننىي دوم» جاساعان.

الەكساندر گاۆريلوۆ، «ستەكلياننىي دوم» جشس ديرەكتورى

- مەنىڭ ويىمشا، وتاندىق ٴوندىرۋشىنى قولداۋ جاي ٴسوز ەمەس، بۇل اسەر بەرۋى كەرەك جانە اسەر ەتىپ كەلەدى دە. بىزبەن جۇمىس ىستەگەن نەگە ىڭعايلى؟ ٴبىز قالادامىز، قىزمەت كورسەتۋدەگى كەز-كەلگەن ماسەلەنى ٴدال ٴقازىر وسى جەردە شەشۋگە بولادى. كەز-كەلگەن كەزدە جاڭارتىپ، اۋىستىرىپ بەرە الامىز. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي