BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا تاعام ونەركاسىبىنىڭ حالىقارالىق كورمەسى وتۋدە (فوتو)

استانا. 29 مامىر. baq.kz – استانادا تاعام ونەركاسىبىنىڭ ٴ17-شى «interfood astana 2015» حالىقارالىق كورمەسى وتۋدە.

اتالمىش كورمە كوپتەگەن جىلدار بويى ازىق-تۇلىك، تەحنولوگيالار مەن تاعام جانە قايتا وڭدەۋ وندىرىستەرى جابدىقتارىن تانىستىراتىن جەتەكشى كاسىبي الاڭشا بولىپ تابىلادى. ياعني «interfood astana» كورمەسى قوعامدىق تاماقتانۋ، قاپتاۋ سالاسىندا زامانعا ساي باعىتتاردى كورسەتۋ، ٴوڭىر ارالىق ىنتىماقتاستىقتى دامىتۋ، تاۋارلار مەن قىزمەتتەردى وندىرۋشىلەر جانە ولاردىڭ تۇتىنۋشىلارى اراسىنداعى ٴتيىمدى بايلانىستى ورناتۋشى الاڭ بولىپ وتىر.

بيىل كورمەگە قازاقستاندىڭ تاۋار وندىرۋشىلەرمەن قاتار اۋستريا، ٴازىربايجان، بەلارۋس، بولگاريا، گەرمانيا، گرەۋيا، يتاليا، رەسەي، سەربيا، تايلاند، ۋكراينا، شۆەسيا جانە وڭتۇستىك كورەيا سىندى 15 ەلدەن 100-دەن استاپ كومپانيا قاتىسۋدا.

بيىل اتالمىش ەلدەر «ازىق-تۇلىك» ٴبولىمىنىڭ «كونديتەرلىك ونىمدەر مەن نان-توقاش ونىمدەرى، «ٴسۇت، قىشقىل ٴسۇت جانە ماي-توڭماي ونىمدەرى» جانە «الكوگولدى، الكوگولسىز سۋسىندار، شاي، كوفە ونىمدەرى» سەكسياسىنا وتە كوپ ٴونىم ۇسىنۋىمەن ەرەكشەلەنىپ وتىر.
سونىمەن قاتار كورمەدە «ازىق-تۇلىك وندىرىسىنە ارنالعان جابدىقتار»، «قاپتاۋ تەحنولوگيالارى، ىدىستار جانە قاپتاما» بولىمدەرىندە شەتەلدىك ٴبىرقاتار كومپانيالار ەت وڭدەۋ ونەركاسىبىنە، سۋ قۇيۋعا ارنالعان جابدىقتار، قاپتاما، قاپتاۋ ماتەريالدارى مەن جۇيەلەرىن تانىستىرۋدا.

ۇيىمداستىرۋشىلاردىڭ ايتۋى بويىنشا، «interfood astana» كورمەسىندەگى جۇمىس تاعامدار نارىعىنداعى اعىمدىق جاعداي تۋرالى تۇسىنىك قالىپتاستىرىپ، نارىققا جاڭا تاۋارلاردى ٴساتتى شىعارۋعا، ٴوز كاسىپورىنىنىڭ باسەكەگە قابىلەتتىلىگىن تەكسەرۋگە، تاپسىرىس بەرۋشىلەر مەن تۇتىنۋشىلار اراسىنداعى قارىم-قاتىناستى ودان ٴارى نىعايتۋعا، ديلەرلىك جەلىلەردى كەڭەيتۋگە، كومپانيانىڭ اتىن شىعارۋعا جانە ىنتىماقتاستىق مۇددەسى بار جاڭا سەرىكتەردى تابۋعا مۇمكىندىك بەرەدى.

بيىلعى كورمەنىڭ وزەكتى وقيعاسى «ساپا داستۇرلەرى» ازىق-تۇلىك پەن سۋسىنداردىڭ ٴدامىن تاتۋ جونىندەگى كاسىبي بايقاۋ بولىپ وتىر. ونىڭ جەڭىمپازدارى التىن مەدالدار جانە ديپلومدارمەن ماراپاتتالىپ، مەدالدىڭ تاڭباسىن ماراپاتتالعان ٴونىمنىڭ زاتتاڭباسىنا ورنالاستىرۋ قۇقىعىنا يە بولادى. وندىرۋشىلەر بۇل بايقاۋعا قاتىسۋ ارقىلى وزدەرى وندىرەتىن ونىمدەردىڭ ساپاسىنىڭ ارنايى ايرىقشا بەلگىلەرمەن راستايدى. سونىڭ ارقاسىندا ساتىپ الۋشىلاردىڭ تاۋارلارعا سەنىم ٴبىلدىرۋ دەڭگەيى ارتادى.

 

ع.ماداليەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي