BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«استانا ەكسپو-2017» كومپانياسى وتاندىق تاۋار وندىرۋشىلەرمەن تىعىز جۇمىس ىستەۋدە

 استانا. 13 ٴساۋىر. baq.kz – «استانا ەكسپو-2017» ۇك» اق كومپانياسىمەن 56% وتاندىق تاۋار وندىرۋشىلەر جۇمىس ىستەپ جاتىر. ۇكىمەت قاۋلىسى نەگىزىندە قازىرگى كۇندە 5 باس مەردىگەر ارنايى جوبا بويىنشا تاعايىندالعان. بۇل جونىندە بۇگىن ورتالىق كوممۋنيكاسيالار قىزمەتىندە وتكەن بريفينگ بارىسىندا ينۆەستيسيالار جانە دامۋ مينيسترلىگى يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ ٴتوراعاسى امانياز ەرجانوۆ ٴمالىم ەتتى.

 -«استانا ەكسپو-2017» ۇك» اق كومپانياسى وتاندىق وندىرۋشىلەردى تارتۋ جونىندە بىرنەشە كەلىسسوزدەر جۇگىزگەن بولاتىن. وسىنىڭ ناتيجەسىندە ٴقازىر ۇكىمەت قاۋلىسىمەن جوبا بويىنشا بەس باس مەردىگەر جانە ەكى باس جوبالاۋشىلار بەلگىلەندى. «استانا ەكسپو-2017» ۇك» اق سالىنىپ جاتقان جوبالارىندا بۇگىنگى تاڭدا وتاندىق وندىرۋشىلەردىڭ 56 پايىزى بىرلەسىپ جۇمىس ىستەۋدە،-دەدى ول.

بۇگىندە «استانا ەكسپو-2017» ۇك» اق كومپانيا وتاندىق تاۋار وندىرۋشىلەرمەن جالپى سوماسى 67 ملرد. تەڭگەگە 4 مەموراندۋم جاساستى. اتالعان ماسەلە كومپانيا مەن ۇكىمەتتىڭ اپتا سايىنعى باقىلاۋىندا تۇر.

«وتكەن جىلدىڭ وزىندە اگەنتتىك ينۆەستيسيالار جانە دامۋ مينيسترلىگىنىڭ تاپسىماسىمەن ەلىمىزدە بەس جىلدان جوعارى بولاتىن 1 ترل تەڭگە كولەمىندە مەموراندۋمدارعا قول قويىلدى. وسى جىلى بۇل جۇمىستىڭ كورسەتكىشى ەداۋىر ارتىپ، جالپى سوماسى 1،4 ترلن تەڭگەنى كورسەتىپ وتىر. قازىرگى ۋاقىتتا 2015 جىلعا ارنالعان وتاندىق تاۋار وندىرۋشىلەردى قولداۋعا ارنالعان ارنايى جوسپار قۇرىلدى. اتالعان جوبالار اياسىندا «استانا ەكسپو-2017» ۇك» اق كومپانياسى مەن «اتامەكەن» كاسىپكەرلەر پالاتاسىمەن قۇرعان كەلىسىم نەگىزىندە جۇمىستاردى باستاپ كەتتىك » دەپ قوسىپ ٴوتتى «جەرگىلىكتى قامتۋدى دامىتۋدىڭ ۇلتتىق اگەنتتىگى «nadloc» اق باسقارما ٴتوراعاسى ق. بەكتۇرگەنوۆ.

 

ايا ٴومىرتاي

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي