BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقۋشىلارى ۇبت-دان تومەن بالل العان وسكەمەن مەن سەمەيدەگى ٴبىلىم مەكەمەلەرى تەكسەرىلەدى

شىعىس قازاقستاننىڭ ەكى قالاسىنداعى ورتا ٴبىلىم بەرەتىن بارلىق مەكتەپ كەشەندى تەكسەرۋدەن وتكىزىلەدى. مۇنداي تاپسىرمانى وبلىس اكىمى دانيال احمەتوۆ بەردى. ايماق باسشىسى قالالىق وقۋشىلاردىڭ الىپ جاتقان ٴبىلىم ساپاسىنا كوڭىلى تولمايتىنىن جەتكىزدى، دەپ حابارلايدى baq.kz اقپارات اگەنتتىگى.

ايتا كەتۋ كەرەك، بىلتىرعى وقۋ جىلىندا ۇبت بويىنشا جوعارى ناتيجەلەردى وبلىس ورتالىعى مەن سەمەيدىڭ وقۋشىلارى ەمەس، اۋىل بالالارى كورسەتكەن ەدى. ماسەلەن، اياگوزدىڭ ەكى تۇلەگى 138 بالل جيناپ، ەل ىشىندەگى ۇزدىك سەگىزدىكتىڭ قاتارىنا ەندى.

«مەنى سەمەي مەن وسكەمەندەگى ٴبىلىم ساپاسى الاڭداتادى. تاعى ٴبىر مارتە قالا اكىمدەرىنە ٴبىلىم بەرۋ جۇيەسىن رەتتەۋدى تاپسىرامىن. كوكپەكتى اۋدانىندا ۇبت-دا 100 بالدان جوعارى جيناعان مەكتەپتەر سانى وسى قالالاردان كوپ. بۇل دەگەن اتالعان ەكى قالا مۇعالىمدەرىنىڭ بىلىمدىلىك دەڭگەيى اۋدان ورتالىقتارىمەن سالىستىرعاندا تومەن ەكەندىگىن كورسەتەدى. كەشەندى كوميسسيا قۇرىپ، ونىڭ قۇرامىنا ۋنيۆەرسيتەتتىڭ پروفەسسورلارى مەن وقىتۋشىلارىن ەنگىزىپ، وسكەمەن مەن سەمەيدىڭ ٴبىلىم بەرۋ ٴۇردىسىن تەكسەرۋ كەرەك»، - دەپ تاپسىردى شقو اكىمى دانيال احمەتوۆ جيىن بارىسىندا.

شقو اكىمىنىڭ ٴباسپاسوز قىزمەتى ٴمالىم ەتكەندەي، ارنايى توپ جۇمىسىن الداعى ايلاردا باستايدى. قۇرامىنا سونداي-اق، دەپۋتاتتار مەن ٴار ٴتۇرلى قۇرىلىم وكىلدەرى دە كىرەتىن بولادى. بۇل رەتتە سوڭعى بىرنەشە جىل بويى ۇبت ناتيجەسى بويىنشا جوعارى كورسەتكىشتەردى اياگوز، كوكپەكتى جانە ٴۇرجار اۋداندارىنىڭ وقۋشىلارى كورسەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي