BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا 199 زەرتحانا ilac mra بەلگىسىن پايدالانۋ قۇقىعىنا يە

فوتو: Dalma News

ەلىمىزدەگى 199 زەرتحانا ilac mra زەرتحانالىق بىرلەسكەن بەلگىسى شارتىنا قول قويىپ، ونى پايدالانۋ قۇقىعىن الدى. بۇل جونىندە بريفينگ بارىسىندا قر يدم تەحنيكالىق رەتتەۋ جانە مەترولوگيا كوميتەتى ۇلتتىق اككرەديتتەۋ ورتالىعى باس ديرەكتورىنىڭ ٴبىرىنشى ورىنباسارى سەرىك قۇرمانعاليەۆ مالىمدەدى، دەپ حابارلايدى baq.kz ٴتىلشىسى.

«بۇگىنگى كۇنى قازاقستاندىق ٴونىمنىڭ ەكسپورتىمەن بايلانىستى كوپتەگەن ماسەلە كەلىپ تۇسۋدە. ۋاقىت زىمىراپ ٴوتىپ جاتىر. 2003 جىلى ۇلتتىق اككرەديتتەۋ ورتالىعىنىڭ الدىنا ٴبىزدىڭ سىناق حاتتامالارىمىز بەن سەرتيفيكاتتارىمىز شەتەلدە مويىندالۋى كەرەك دەگەن مىندەت قويىلعان بولاتىن. ٴدال وسى جىلى كاسىپكەرلەردىڭ ٴحى فورۋمىندا الداعى 5-10 جىلدا قازاقستاندا باسەكەگە قابىلەتتى ٴونىم پايدا بولادى جانە ونىمدەرگە ارنالعان سەرتيفيكاتتاردى مويىنداۋ ماسەلەسى وزەكتى بولاتىنى تۋرالى ايتىلدى. راسىندا دا بۇگىندە قازاقستاندا سۇرانىسقا يە ٴدال وسىنداي ٴونىم پايدا بولدى»، - دەدى ورتالىق ديرەكتورىنىڭ ٴبىرىنشى ورىنباسارى.

وسى ورايدا سەرىك قۇرمانعاليەۆ «general electric» لوكوموتيۆتەرى، ۇزىن ولشەمدى رەلستەر، قۇرعاق بيە ٴسۇتى، كۇن باتارەيالارى سەكىلدى وتاندىق ونىمدەر شەتەلدە سۇرانىسقا يە ەكەنىن ايتتى.

«بۇل ماسەلەدە سەرتيفيكاتتار مەن سىناقتار حاتتامالارى شەتەلدە مويىندالاتىنى ۇلكەن ٴرول وينايدى. بۇعان قول جەتكىزۋ ٴۇشىن كوپتەگەن جۇمىس جاسالدى. ناتيجەسىندە، ۇلتتىق اككرەديتتەۋ ورتالىعى 2010 جىلى ilac-تىڭ تولىق قۇقىلى مۇشەسى، ilac mra قول قويۋشىسى بولدى، 2013 جىلى iaf-تىڭ تولىق قۇقىلى مۇشەسى جانە iaf mla كەلىسىمىنىڭ قول قويۋشىسى بولدى. بۇگىنگى كۇنى 199 زەرتحانا ilac mra زەرتحانالىق بىرلەسكەن بەلگىسى شارتىنا قول قويىپ، ونى پايدالانۋ قۇقىعىن الدى. 199 زەرتحاناعا، ياعني ەلدەگى زاڭدى تۇلعالارعا 132264 سىناق حاتتامالارىن بەردى، ونىڭ ىشىندە 2678 سىناق حاتتاماسى قازاقستاننان تىس جەرلەرگە بەرىلدى»، - دەدى قۇرمانعاليەۆ.

سونىمەن قاتار، ونىڭ ايتۋىنشا، سىناق حاتتامالارى نەگىزىنەن بالىق جانە بالىق ونىمدەرىنە، ەت جانە ەت ونىمدەرىنە، شۇجىق ونىمدەرىنە، ٴسۇت جانە ٴسۇت ونىمدەرىنە، ارا بالىنا، ۇن ونىمدەرىنە، جۇگەرى، كۇنباعىس، ۇن، سونداي-اق تابيعي سۋ، مينەرالدى ەمدىك اسحانا سۋىنا بەرىلگەن. ال بۇل ونىمدەر قىرعىزستان، تاجىكستان، وزبەكستان، اۋعانستان، قىتاي، جاپونيا، يران، سەربيا، يسپانيا، رەسەي، بەلارۋس، ازەربايجان، گرۋزيا، پولشا ەلدەرىنە ەكسپورتقا شىعارىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي